بەهۆی بڵاوبوونەوەی نەخۆشی تای خوێنبەربوونەوە، خواست لەسەر گۆشت کەم بووەتەوە و سەربڕینی ئاژەڵ ٢٥٪ کەمی کردووە، هەروەها نرخی ئاژەڵ دابەزیووە
ئەمڕۆ یەکشەممە ١١ی ئایاری ٢٠٢٥، هەڵمەت هەمزە، بەڕێوەبەری کوشتارگەی هەولێر، بە ئێن ئاڕ تی راگەیاند، بەهۆی تای خوێنبەربوونەوە سەربرینی ئاژەڵ ٢٥٪ کەمی کردووە.
وتیشی، خواست
لەسەر گۆشت کەم بووەتەوە و نرخی ئاژەڵ بەهۆی پەتاکەوە دابەزیووە.
ئاماژەی
بەوەشکرد، بوونی ترس و دڵەڕاوکێی هاوڵاتیان لە تای خوێنبەربوون هۆکارە بۆ کەمبوونی
خواست لەسەر گۆشتی ئاژەڵ و لە بڵاوبوونەوەی یەکەم حاڵەتی تای خوێنبەربوونەوە، بە گشتی کڕینی ئاژەڵ کەم بووەتەوە.
ئەمەش لە کاتێکدا، پێش بڵاوبوونەوەی ئەو پەتایە، رۆژانە زیاتر لە ١٠٠٠ سەر ئاژەڵ سەردەبڕا، بەڵام ئێستا کەمتر لە سەر ٧٠٠ ئاژەڵ سەردەبڕدرێت.
تای
خوێنبەربوون کە بە پەتای کۆنگۆش ناسراوە، تای خوێن بەربوون نەخۆشییەکی ڤایرۆسییە،
لەرێگای ئاژەڵەوە دەگوازێتەوە بۆ مرۆڤ و بەهۆی گەنەیەکەوە کە ڤایرۆسەکە هەڵدەگرێت،
دواتر دەچێتە سەر لەشی ئاژەڵەکە و تووشی نەخۆشیەکەی دەکات.
ئەم
ڤایرۆسە لە شارەکانی ئەفریقا و بەلقان و رۆژهەڵاتی ناوەڕاست و ئاسیادا،
ساڵانە زیاد دەکات و بڵاو دەبێتەوە.
ڤ.ر