PM:05:00:05/05/2025
6216 جار خوێندراوەتەوە
ئەندامێکی لیژنەی دارایی پەرلەمانی عێراق، فەرمانبەرانی دڵنیاکردەوە سەبارەت بە مووچەکانیان و جەختی لەوە کردەوە کە بۆ ئەم ساڵ مووچەکانیان بەتەواوی مسۆگەرن و سەرەڕای دابەزینی نرخی نەوت هیچ هۆکارێکی نیگەرانی نییە و دۆخی دارایی سەقامگیرە.
ئەمڕۆ دووشەممە ٥ـی ئایاری ٢٠٢٥، جەمال کۆچەر، ئەندامی لیژنەی دارایی پەرلەمانی عێراق فەرمانبەرانی دڵنیاکردەوە سەبارەت بە مووچەکانیان، جەختی لەوە کردەوە کە بۆ ئەمساڵ بەتەواوی مسۆگەرن و سەرەڕای دابەزینی نرخی نەوت هیچ هۆکارێکی نیگەرانی نییە و دۆخی دارایی سەقامگیرە و گەنجینەی حکومەت ئەوەندەی تێدایە کە بتوانێت مووچە و خەرجییەکانی دیکەی حکومەت دابین بکات.
وتیشی، دابەزینی ئێستای نرخی نەوت هیچ نییە بە
بەراورد بەو شتەی عێراق لە ساڵی ٢٠١٤ یان لە سەردەمی پەتای کۆڤید-١٩ـدا تووشی بوو،
لەگەڵ ئەوەشدا ئەو کاتە کاریگەری لەسەر مووچەی فەرمانبەران نەبووە.
ئاماژەی
بەوەشکرد، دۆخی دارایی سەقامگیرە و گەنجینەی حکومەت ئەوەندەی تێدایە کە بتوانێت
مووچە و خەرجییەکانی دیکەی حکومەت دابین بکات.
