سەردێڕ:

ژمارەی گیان لەدەستدان لە غەززە بۆ نزیکەی هەشت هەزار کەس بەرزبووەوە

PM:07:56:28/10/2023

1708 جار خوێندراوەتەوە

تەندروستی غەززە رایگەیاند، ژمارەی گیانلەدەستدان بەهۆی هێرشەکانی ئیسرائیلەوە بۆ زیاتر لە حەوت هەزار و ٧٠٣ کەس بەرزبووەتەوە کە سێ هەزار و ٥٠٠ ـیان منداڵن.


ئەمرۆ شەممە، تەندروستی غەززە لە راگەیەندراوێکدا بڵاویکردەوە، لەنێو ئەو کەسانەی گیانیانلەدەستداوە سێ هەزار و ٥٠٠ کەسیان منداڵن کە دەکاتە رێژەی ٤٣٪ـی ئەوانەی گیانیان لەدەستداوە.

ئاماژەی بەوەشکرد، شەڕی ئیسرائیل و حەماس زیاتر نزیک دەبێتەوە لە سێ هەفتە و بەهۆی هێرشەکانی ئیسرائیلەوە ژمارەی گیانلەدەستدان بۆ حەوت هەزار و ٧٠٣ کەس بەرزبووەتەوە.

لای خۆشیەوە ئیسرائیل بۆ جاری دووەم داوای لە هاوڵاتیانی باکوری غەززە کردووە بە زووترین کات شارەکە چۆڵبکەن و تاوەکو حەماس بارمتە ئیسرائیلییەکان ئازاد نەکەن هێرشەکانیان بۆسەر غەززە ناوەستێنن.

لە ٧ـی تشرینی یەکەمەوە لە دوای هێرشێکی حەماس بۆ سەر ئیسرائیل جەنگی نێوان فەڵەستین و ئیسرائیل دەستیپێکردوە و لە هەردوولا بە هەزاران کوژراو و بریندار هەیە و لە شەوی رابردووەوە سوپای ئیسرائیل هاوڵاتیانی غەززەی ئاگادارکردەوە کە دەست بە هێرشی زەمینی دەکەن و بە تەواوی هێڵەکانی پەیوەندی لە غەززە پچڕاند.













گەلەری