بەڕێوەبەرایەتی پزیشکی و فریاگوزاری سیستمی پشتیوانی لیبیا هۆشداری بە دانیشتوانی باشووری رۆژئاوای ئەو وڵاتە دەدات سەبارەت بە هاتنی شەپۆلێکی بەهێزی بارانبارین.
رۆژی شەممە، بەڕێوەبەرایەتی پزیشکی و فریاگوزاری سیستمی پشتیوانی لیبیا ڕایگەیاند، پێشبینی دەکرێت بە هۆی گۆڕانی کەشوهەواوە لە چەند رۆژی داهاتوودا شەپۆلێکی باران بارینی بەخوڕ روو لە ناوچەکانی باشووری لیبیا بکات.
دەسەڵاتدارانی
ناوچەکانی باشووریش رایانگەیاند، ئەگەر لافاو روو لە ناوچەکەیان بکات ئەگەر هەیە بەنداوی
کەعامیان کە یەکێکە لە گەورەترین بەنداوەکانی باشووری لیبیا بڕوخێت.
باسیان لەوەشکردووە،
لە ئەگەری رووخانی ئەو بەنداوەدا رەنگە ببێتە هۆی دروستبوونی لافاوێکی هاوشێوەی
لافاوەکەی زریانی دانیاڵ کە بووە هۆی وێرانکاری لە شاری دێرنە.
ئەمەش لە کاتێکدا،
هەزاران کەس دوای ئەوەی زریانی دانیاڵ دوو هەفتە لەمەوبەر شاری دێرنەی گرتەوە گیانیان
لەدەستدا وهەوڵی تیمەکانی فریاگوزاری بۆ دەرهێنانەوەی تەرمەکان و دۆزینەوەی کەسە بێسەروشوێنەکان
هێشتا بەردەوامە.