شارەزایەکی بواری ئابووری بۆ ئێن ئاڕتی راگەیاند، هەرێمی کوردستان لە هەرێمێکی خۆبژێویەوە بووە بە هەرێمێکی قەرزدار و ئەو قەرزەی لە بەغدا دەیکا قەرزێکی زۆر مەترسیدارە.
ئەیوب سماقەیی شارەزای ئابوری لەبەرنامەی تاوتوێی ئێن ئاڕتی رایگەیاند، لایەنی ئابووری هەرێم لە ماوەی حکومڕانی هەر نۆ کابینەکەدا بەشێوەیەکی باش بەڕێوە نەبراوە ئەمەش هۆکارێک بوە بۆ ئەوەی کوردستان لە هەرێمێکی خۆ بژێویەوە ببێت بە هەرێمێکی قەرزار کە ئەو قەرزەی لە بەغدا دەیکا زۆر مەترسیدارە.
ئاماژەی بەوەشکرد، لە ئێستادا حکومەتی کاربەڕێکەر
نەوت ڕادەست دەکات ئەبوو هەرێم لەدوای ئەو هەموو داهاتەوە کێشەی موچەی نەبوایە، بەڵام
ئەو کێشەیە گەورەتر کراوە و ماوەی سێ مانگە مووچە لە هەرێم نەدراوە.
ئەوەشی
خستەڕوو، هاوڵاتیان لە ئێستادا بڕوایان بە بانکەکان نەماوە، چونکە بانکەکان وەک کۆگایەک بۆ کۆکردنەوەی پارە سەیردەکرێت و حکومەتی کاربەڕێکەر لەئێستادا بەزۆرە ملە کارتی بانکی بە هاوڵاتیان دەردەهێنێت.
لای خۆشیەوە نەوزاد هێتوتی مامۆستای زانکۆ، لە
بەرنامەی تاوتوێی ئێن ئاڕتی باسی لەوەکرد، ئەوەی لە بەغداد دەکرێت بەرامبەر هەرێم بابەتێکی سیاسیە و خاڵی لاوازی هەرێم بەرامبەر ئەو کێشانە ئەوەیە حیزبەکانی دەسەڵات ناکۆکن و یەکگرتوو
نین، لەبەر ئەو هۆکارەش حکومەتی عێراق لەگەڵیان رێکناکەوێت.
ئاماژەی بەوەشکرد،
وڵاتە یەکگرتووەکان لە ئێستادا پشتی هەرێم ناگرێت، چونکە لە پێشتردا چەندین جار
داوای لە دەسەڵاتدارانی هەرێم کردووە کە کۆتایی بە ناکۆکییەکانی نێوانیان بهێنن،
بەڵام بە پێچەوانەوە ناکۆکییەکان هەر بەردەوامن.