AM:10:49:30/09/2023
4016 جار خوێندراوەتەوە
وتەبێژی کۆنگرەی پێنجەمی یەکێتی رایگەیاند، ئەمڕۆ کۆنگرەکە بۆ تەواوکردنى پەیڕەوى ناوخۆ و هەڵبژاردنى ئەندامانى ئەنجومەنى سەرکردایەتى بەردەوام دەبێت.
ئەمڕۆ شەممە، تەلار لەتیف وتەبێژی کۆنگرەی پێنجەمی یەکێتی بە میدیاکانی حزبەکەی راگەیاند، ئەمڕۆ کارەکانى کۆنگرەکە بەردەوام دەبێت و دوای پەسەندکردنی سەرجەم ماددەکانی پەیڕەوی ناوخۆ، هەڵبژاردن بۆ ئەندامانی ئەنجومەنى سەرکردایەتی دەکرێت.
پێشتر وتەبێژی یەکێتی باسى لەوە کردبوو، لە رۆژی سێیەمی
کۆنگرەکەدا ده‌نگ له‌سه‌ر ناوی ئه‌نجومه‌نه‌كان و ژماره‌ی ئه‌ندامانیان ده‌درێت
كه سێ ئه‌نجومه‌نن لە دواتردا هەڵبژاردنی ئەندامانی سەرکردایەتی دەکرێت.
لە رۆژی ٢٧ـی ئەیلول کۆنگرەی پێنجەمی
یەکێتی لە سلێمانی دەستیپێکرد و بافڵ تاڵەبانی جارێکی تر بە سەرۆکی ئەو حزبە
هەڵبژێردرایەوە.
