وەزارەتی دارایی هەرێم رایگەیاند، ئەو ٧٠٠ ملیار دینارەی بەغدا بۆ هەرێمی دەنێرێت موچەی مانگی ٧ـی پێدابەش دەکەن.
رۆژی یەکشەممە، وەزارەت دارایی و ئابووری حکومەتی کاربەڕێکەری هەرێم لە راگەیاندراوێکدا بڵاویکردەوە؛ بڕی ئەو ٧٠٠ ملیار دینارەی کە لەلایەن حکومەتی ناوەندی عێراقەوە وەکو قەرز دەنێردرێت بۆ هەرێمی کوردستان موچەی مانگی تەمموزی پێ دابەشدەکرێت.
ئاماژەی بەوەشکرد، یەکەمین
گوژمەی ٧٠٠ ملیار دیناری هەناردەکراوی بەغدا بۆ موچەی مانگی تەمموز تەرخان دەکرێت.
ئەمە لەکاتێکدایە، نوسینگەی ئەنجومەنی وەزیرانی عێراق رایگەیاند؛ بڕی
دوو تڕیلۆن و١٠٠ ملیار دینار بە سێ گوژمەی جیا دەنێردرێت بۆ هەرێم بۆ دابەشکردنی
موچەی موچەخۆرانی هەرێم کە لە مانگی ئەیلولەوە دەست بە ناردنی ئەو پارەیە دەکرێت.
لە کۆبوونەوەکەی رۆژی یەکشەمەی
ئەنجومەنی وەزیرانی عێراق بڕیاردرا لەسەر ناردنی دوو تریلۆن ١٠٠ ملیار دینار بە قەرز
لە رێگەی بانکی رافیدەین و رەشید و تی بی ئایەوە بۆ هەرێمی کوردستان بۆ دابەشکردنی
موچەی ئەمساڵ.
هاوکات، ئەو بڕە پارەیە لەگەڵ
ئەو پارەیەی مانگەکانی رابردوو بۆ هەرێم نێرداون لە بودجەی ساڵی ٢٠٢٣ـی هەرێم دەبڕدرێت
و ئەگەر بودجەی هەرێمیش بەشی دانەوەی قەرزەکانی نەکات لە بودجەی ساڵی ٢٠٢٤ـی دەبڕدرێت.