هێزی دەریای وڵاتانی ڕۆژئاوا رایگەیاند، ئاگاداری ئەو کەشتییانە دەکەنەوە کە لە گەرووی هورمز و ئاوەکانی ئێران نزیک نەبنەوە بەهۆی مەترسی دەستبەسەردا گرتنی کەشتییەکان.
ئەمڕۆ یەکشەممە، تیم هۆکینز وتەبێژی کەشتیگەلی پێنجەمی هێزی دەریایی ئەمریکا لە راگەیاندراوێکدا باسی لەوەکردووە، ئامۆژگاری کەشتییە جەنگییەکان دەکەن خۆیان بە دوور بگرن لە نزیک بوونەوە لە ئاوەکانی ئێران و گەرووی هورمز ئەوەش بەهۆی مەترسی دەستبەسەردا گرتنی کەشتییەکانیانەوە.
هاوکات، هاوپەیمانی نێودەوڵەتی بۆ ئاسایش و
زامنکردنی تێپەڕین بە ڕێڕەوە ئاوییەکان کە لە لایەن ئەمریکاوە بەڕێوە دەبرێت ئەوەی
خستەڕوو، بەهۆی ئەو بارودۆخەی بەسەر ناوچەکەدا هاتووە گرژی دروست بووە و نزیک بوونەوە
لەو ناوچانە مەترسیدارە.
لە لایەکی دیکەوە، ئاژانسی ئاسایشی دەریایی بەریتانی
ڕایگەیاند، ئاگادار کراونەتەوە لە بە بوونی مەترسی لە گەرووی هورمز و کەشتییەکانیان
ئاگادار کردووەتەوە لە کاتی بوونی هەر ڕووداوێکی گوماناوی ڕاپۆرت بدەنە ئەو ئاژانسە
و تا ئێستاش دەسەڵاتی ئێران هیچ ڕوونکردنەوە و لێدوانێکی لەو بارەیەوە نەداوە.
ئەوە لە کاتێکدایە، لە مانگی تەممووزی ئەمساڵ
هێزی دەریای ئەمریکا لە کەنداو ڕایگەیاند، هێزی دەریایی ئێران لە گەرووی هورمز دەستیان
گرتووە بەسەر کەشتییەکی بازرگانیدا.
ڕۆژانە لە گەرووی ٤٠٪ی نەوتی جیهان دەگوازرێتەوە و تاکە ڕێڕەوی ئاوییە کە
عێراق و کوێت بتوانن لە ڕێگای دەریاوە نەوت هەناردە بکەن.