PM:06:16:16/07/2023
2936 جار خوێندراوەتەوە
وەزارەتی تەندروستی کوەیت رایگەیاند، ئەو وڵاتە لە ریزبەندی یەکەمی وڵاتە عەرەبیه‌كاندایه بۆ رێژەی قەڵەوی و کێشی زیادە.
ئەمڕۆ یەکشەممە، عه‌بیر به‌حوه بەڕێوەبەری ئیدارەی بەرەوپێشبردنی تەندروستی لە وەزارەتی تەندروستیی كوەیت، لە لێدوانێکیدا بۆ ئاژانسی هەواڵی فەرمی وڵاته‌كه‌ی ئاماژەی بەوەکرد، ٤٠٪ی دانیشتوانی كوێت قەڵەون ٧٧٪یشیان کێشیان زیادە.
وتیشی، کوەیت لە پلەی یەکەمدایە
لە نێو وڵاتانی عەرەبیدا لە قەڵەوی و کێشی زیادە و قەڵەوی هۆکارێکی مەترسیدارە بۆ
زۆرێک لە نەخۆشییە درێژخایەنەکانی وەک نەخۆشییەکانی دڵ و خوێنبەرەکان، شەکرە و بەرزی
پەستانی خوێن.
ئاشكراشی كرد، بەپێی ئامارەکانی
کوەیت و داتاکانی رێکخراوی تەندروستیی جیهانی، لەهەر پێنج کەسێك لەناوچه‌ی کەنداو یەکێکیان
گرفتی قەڵەوی هەیە و چاوه‌ڕوان دەکرێت تاکو ساڵی ٢٠٣٥ رێژەی قەڵەوی لە وڵاتەکەدا
بگاتە ٥٢٪.
