AM:11:39:03/07/2023
2088 جار خوێندراوەتەوە
پرۆسەی حەجی ئەمساڵ کۆتایی هات و چوار حاجی هەرێم بەهۆی گیانلەدەستدانیان لە سعودیە ناگەڕێنەوە. ئەوقافیش دەڵێت، یەکەم کاروانی حاجییانی هەرێم لە سعودیەوە لەرێگای وشکانییەوە بەڕێکەوتن.
نەبەز ئیسماعیل وتەبێژی وەزارەتی ئەوقافی هەرێم بە دیجیتاڵ میدیای ئێن ئاڕتی راگەیاند، ئەمڕۆ دووشەممە، یەکەم کاروانی حاجییانی هەرێم لە سعودیە، لە رێگەى وشکانییەوە بەڕێدەکەون و سبەى دەگەنەوە هەرێم.
وتیشی، تا ١٢ی ئەم مانگە، سەرجەم حاجییانی هەرێم لە سعودیەوە
دەگەڕێنەوە.
ئەمەش لەکاتێکدایە، ئەمساڵ چوار هەزار و ٦٨٥ هاوڵاتی هەرێم
بەشداری فەریزەی حەجیان کردووە چوار حاجی هەرێمیش لە سعودیە گیانیان لەدەستداوە.
یەکەم حاجی کورد لە ٢٠ی مانگی رابردوودا، لە رەگەزی مێ بەهۆی
نەخۆشییەوە گیانی لەدەستدا و دووەم حاجیش کە لە رەگەزی مێ بوو لە ٢١ی مانگدا و
بەهۆی جەڵتەی مێشکەوە گیانی لەدەستدا. سێیەم حاجی کوردیش کە لە رەگەزی نێر بوو لە ٢٩ی
مانگی رابردوو بەهۆی رووداوی هاتوچۆوە گیانی لەدەستدا و چوارەم حاجیش لە رەگەزی مێ،
دوێنێ پاش سێ رۆژ لە دیارنەمانی تەرمەکەی لە نەخۆشخانەیەکی شاری سعودیە دۆزرایەوە.
