کەشناسی هەرێم رایگەیاند، ئەمڕۆ ئاسمان نیمچەهەور دەبێت و بەهۆی بوونی رەشەباوە خۆڵبارین دەستپێدەکات.
ئەمڕۆ یەکشەممە کەشناسی هەرێم لە راگەیاندراوێکدا کەشی ئەمڕۆ و سبەی بڵاوکردەوە و باسی لەوەکردووە، ئەمڕۆ لە هەرێم خۆڵبارین و دەبێت و کاریگەرییەکەی لەو ناوچانە زیاتر دەبێت کە خێرایی با تێیاندا زۆرترە.
ئاماژەی بەوەش کردووە، پلەکانی
گەرما یەک تا دوو پلە بەرزدەبنەوە و مەودای
بینین لە نێوان شەش تا هەشت کیلۆمەتر دەبێت.
لەبارەی کەشی سبەی
دوشەممەشەوە دەڵێت، سبەی خۆڵبارین بەردەوام دەبێت بە تایبەت لە پارێزگاکانی هەولێر
و کەرکوک و دهۆک و ئاسمان نیمچەهەور دەبێت.
باس لەوەشکراوە، پلەکانی گەرما
لە سبەیدا هاوتای پلەکانی ئەمڕۆ دەبن و گۆڕانکارییان بەسەردا نایەت.
بەپێی راگەیاندراوەکەی
کەشناسی بەرزترین پلەکانی گەرمای پێشبینیکراو بە پلەی سیلیزی لە هەرێم بۆ ئەمڕۆ بەم
جۆرە دەبێت :
هەولێر: ٣٢ پلەى سیلیزى
سلێمانی: ٣٢ پلەى سیلیزى
دهۆک: ٣١ پلەى سیلیزى
کەرکوک: ٣٧ پلەى سیلیزى
هەڵەبجە: ٣٣ پلەى سیلیزى
حاجی ئۆمەران: ١٩ پلەى سیلیزى
زاخۆ: ٣٣ پلەى سیلیزى
سۆران: ٣١ پلەى سیلیزى
گەرمیان: ٣٩ پلەى سیلیزى