ئەمڕۆ شەممە، بە
گوێرەی زانیارییەکانی پەیامنێری ئێن ئاڕ تی، مەیدانی فرۆشتنی شوتی لە هەولێر بەسەر
کاسبکاراندا داخراوە و رێگایان نادەن کار بکەن و بەو هۆیەوە، کاسبکارانی مەیدانەکە
خۆپیشاندانیان ئەنجامدا و رێگای موسڵ- هەولێریان داخست.
لەو بارەیەوە،
کاسبکارێک بە ئێن ئاڕ تی راگەیاند،" مەیدانەکە دراوەتە کەسێک و حکومەت دەیداتە
کەرتی تایبەت و بە ملیارێک و ٢٠٠ ملیۆن دینار ئەو جێگایە گیراوە".
کاسبکاران باس لەوەدەکەن،
کە گرێبەستی فەرمیان هەیە لەگەڵ حکومەت و ساڵانە بۆ ١٥٠ مەتر بڕی شەش ملیۆن دینار
دەدەنە حکومەت و چەندان کەس بژێوی ژیانیان لەسەر ئەو کارەیە.
ئاماژەیان بەوەشکرد،
حکومەت دەیەوێت کاسبکاران لەژێر دەستی کەرتی تایبەتدا کاربکەن و ئەوەش لە زیانی خەڵکە
و بەهۆی رێگریکردن بەرهەمی شوتییەکەیان خراپ بووە.