پێوەرەکەی هانکی لەسەر بنەمای داهاتی تاکە کەس و بێکاری لە وڵاتەکە دا و رێژەی هەڵاوسان داندراوە و بەپێی ئەو پێوەرانە وڵاتی کوەیت یەکەم دڵخۆشترین وڵاتانی عەرەبییە و دووەم دڵخۆشترین وڵاتانی جیهانن بۆ ساڵی ٢٠٢٢، کە رێژەى هەڵاوسان و بێکارى تیایدا بوونى نیە، کە ئەوە هەمان پێوەرە بۆ دڵ خۆش بونى سویسرییەکان.

بەپێی ئەو لیستەی بڵاوکراوەتەوە ١٠ دڵخۆشترین وڵاتی جیهان بەم ریزبەندییە دێت بەم شێوەیە: سویسرا، کوەیت، ئێرلەندا، ژاپۆن، مالیزیا، تایوان، نێجیریا، تایلەند، تۆگۆ، ماڵتا.

هاوکات لە لیستەکە دا دڵتەنگترین وڵاتانی جیهان باس کراوە کە چوار دەوڵەتی عەرەبی تێدایە و بەم شێوەیە هاتووە: ئۆکرانیا، تورکیا، کوبا، ئەرجەنتین، ڤەنزوێلا، لوبنان، سوریا، سودان، یەمەن، زیمبابۆی، لە دڵتەنگترین وڵاتانی جیهانن بەهۆی بوونی شەڕ و داڕمانی ئابووری وڵات و بەرزبوونەوەی هەڵاوسان.

هانکی ئاماژەی بەوەکردووە، ماوەی ٢٠ ساڵە چاودێری زیمبابۆی دەکات و لە ساڵی ٢٠٠٨ەوە وڵاتەکە بە سەرۆکایەتی مۆگابی، لە ژێر هەڵاوساندایە و ساڵی رابردوو رێژەی هەڵاوسان گەیشتوەتە ٢٤٣٪ و رێژەی گەشەی ئابووری تیایدا ٠,٩% بووە و لە وڵاتی زیمبابۆی یەک دۆلار بەرامبەرە بە سێ هەزار و ٥٠٠ "دۆلاری زیمبابۆیی".