ئاماژەی بەوەشدا، لیژنەکە لە ئێستادا کاردەکات بە ئامانجی کەمکردنەوەی کورتهێنانی بودجە کە بریتییە لە ٦٤ ترلیۆن دینار.

وتیشی، دوو هەفتەی دیکە پڕۆژە یاسای گشتی بودجە ئامادە دەبێت بۆ دەنگدان لەسەری.

عەدنان زرفی ئەوەشی ئاشکرا کرد، لە هەفتەی سێیەمی ئەم مانگەدا، دوای تەواوکردنی گفتوگۆکان پڕۆژە یاسای گشتی بودجە دەخرێتە کارنامەی دانیشتنی پەرلەمانەوە.

ئەمە لەکاتێکدایە، دوێنێ ١ی ئایار هاوپەیمانی ئیدارەی دەوڵەت راگەیەنراوێکی بڵاوکردەوە و تێیدا هاتووە، ئەندامانی سەرکردایەتی هاوپەیمانەکە کۆبوونەتەوە و گفتوگۆیان لە بارەی دۆسیەی حکومی و پەرلەمانی و خزمەتگوزاری و ئابوری کردووە.

ئاماژەی بەوەشدا، گرنگی پەسەندکردنی بودجە و جێبەجێکردنی پڕۆژە و بەرنامە حکومییەکانیان دوپاتکردووەتەوە و پێشبینی دەکرێت لە رێکەوتی ١٠ی ئایاری ئەمساڵ کۆتا هەنگاوەکانی پەسەندکردنی پڕۆژە یاسای بودجە جێبەجێ دەکرێت.

باسی لەوەشکرد، لە کۆبوونەوەکە سەرۆک وەزیرانی عێراق و سەرۆکی پەرلەمان ئامادە بوون و تاوتوێی بەندە سیاسییەکان و هەوڵەکانیان بۆ جێبەجێکردنی بەرنامەی حکومی و کارنامەی وزاری کردووە.

لە ماوەی رابردوو ئومێد محەمەد پەرلەمانتاری نەوەی نوێ لە پەرلەمانی عێراق بە ئێن ئاڕ تی راگەیاند، دوای تەواو بوونی راپۆرتی لیژنەی دارایی، پەرلەمان بودجە پەسەند دەکات و رەنگە ٢٠ تا ٢٢ رۆژی پێویست بێت.