وەزیری کشتوکاڵی عێراق رایگەیاند، شایستەیەکی دارایی گونجاو لە بەرامبەر وەرگرتنی گەنم لە جوتیاران ئامادەکراوە و هۆکاری گرانبوونی گۆشتیش دەگەرێتەوە بۆ درێژەکێشانی وەرزی زاوزێی ئاژەڵان.
عەباس جەبر وەزیری کشتوکاڵی عێراق بە میدیا ناوخۆییەکانی رایگەیاند، لەمساڵدا بڕی ٨٥٠ هەزار دینار بەرامبەر هەر تۆنێک گەنم دەدرێتە جوتیاران و ئەو بڕە پارەیش زۆرترینە بەراورد بە کەرتی کشتوکاڵی وڵاتانی دەوروبەر.
ئاماژەی بەوەشدا، هۆکاری گرانبوونی
نرخی گۆشت دەگەڕێتەوە بۆ کەمی سەربڕینی ئاژەڵان و ئەویش بەهۆی درێژبوونەوەی وەرزی
زاوزێ لە ئەنجامی زیادبوونی رێژەی دابارین لەمساڵدا.
دوێنێ وەزارەتی بازرگانی هەرێم
ڕایگەیاند، لە ئێستادا ئامادەکاری دەکرێت بۆ کردنەوەی دوو بنکەی تر بۆ وەرگرتنی گەنمی
جوتیاران. وتیشی، "بڕیارە بۆ ئەمساڵ هەر تەنێک گەنم بە ٨٥٠ هەزار دینار لە
جوتیاران وەربگیرێت."
لە ئێستادا پرۆسەی وەرگرتنی
گەنم لە جوتیارانی عێراق دەستیپێکردووە و بڕيارە سێ رۆژ لە دوای وەرگرتنی گەنم،
جوتیاران شایستەی دارایی خۆیان بەبێ دواکەوتن وەربگرن و لە دوای جوتیارانی باشوور
و ناوەڕاستی عێراق گەنم لە جوتیارانی هەرێمیش وەردەگیرێت.