ریزبەندی دەوڵەمەندترین کەسایەتییەکانی ساڵی ٢٠٢٣ لە جیهاندا، لەلایەن رۆژنامەی فۆربسی ئەمریکییەوە بڵاوکراوەتەوە، سەرۆکوەزیرانی ئێستای لوبنانیش لە ریزبەندی دەوڵەمەندترینەکانی جیهان و وڵاتانی عەرەبیدایە.
رۆژنامەی فۆربسی ئەمریکی لە پۆلێنی ساڵەنەی خۆیدا بۆ دیاریکردنی دەوڵەمەندترین کەسایەتییەکانی جیهان لە سەرەتای ئەم مانگەدا لیستی دەوڵەمەندترین کەسایەتییەکانی جیهانی بڵاوکردەوە کە لە دوو هەزار و ٦٤٠ کەس پێکدێت و لەو رێژەیەش ١٠ کەسیان عەرەبن.
لەناو کەسایەتییە عەرەبەکاندا نەسیف سەویریس و سەعد
رەبراب و نەجیب میقاتی و حسێن سەجوانی بازرگان و وەبەرهێنەر هەن. ئەوەش بووەتە جێگای سەرنجی میدیاکان
بەوەی؛ دوای تێپەڕینی ساڵێک بەسەر جەنگی نێوان روسیا و ئۆکرانیادا دێت کەبووە هۆی
بەرزبوونەوەی نرخی ماددە سەرەتاییەکان لە بازاڕدا، بەڵام سامانی عەرەبی لە ساڵی
٢٠٢٣دا دوو هێندە زیادی کردووە.
بە گوێرەی پۆلێنی
رۆژنامەکە دەوڵەمەندترین کەسایەتییە عەرەبەکان خەڵکی میسر و ئیماراتن ئەوەش لە کاتێکدایە،
سەعد رەبراب وەبەرهێنەر و بازرگانی جەزائیری لە پلەی دووەمدا دێت، ئەم پۆلێنکردنە
لە کاتێکدایە، جیهان بەگشتی و نیشتیمانی عەرەبی بەگرفتی ئابوری سەخت و کشانەوی وەبەرهێنان
و بەرزبوونەوەی نرخی کەلوپەلو ماددە پێویستەکاندا تێدەپەڕێت.
بەگوێرەی پۆلێنی
رۆژنامەکە دەوڵەمەندترین کەسایەتییە عەرەبەکان بەمشێوەیە پۆلێنکراون.
نەسیف سەویریسی وەبەرهێنەر و بازرگان بە
هەبوونی ٧.٤ ملیار دۆلار لەپلەی یەکەمدا دێت دوای ئەویش سەعد رەبابی بازرگان بە هەبوونی ٤.٦
ملیار دۆلار بە پلەی دووەم دێت. هاوکات، حسێن سەجوانی ئیماراتی بازرگان بە هەبوونی ٤.٥ ملیار
دۆلار بەپلەی سێیەم دێت و مەحمود مەنسور و نەجیب ساوێس کە دوو بازرگانی دیکەی میسریین
پلەکانی چوارەم و پێنجەمیان بە هەبوونی ٤.٦ ملیار دۆلار و ٣.٣ ملیار دۆلار گرتووە.
ئەوەشخراوەتەڕوو، عەبدوڵا بن ئەحمەد عەزیز کە وەبەرهێنەرەێکی ئیماراتییە
بە هەبوونی ٣ ملیار دۆلار لە پلەی شەشەمدا دێت دواتر هاوڵاتییەکی لوبنانی و دوای ئەویش
نەجیب میکاتی سەرۆکوەزیرانی ئێستای لوبنان بە دوو ملیار و ٨٠٠ ملیۆن دۆلار لە پلەی
هەشتەمدا دێت.
هاوکات، لە پۆلێنەکەی
رۆژنامەی فۆربسدا نەجیب میقاتی سەرۆکوەزیرانی لوبنان و براکەی خاوەنی ٥.٦ ملیار دۆلارن
ئەوەش لەکاتێکدایە ماوەی چەند ساڵێکە قەیرانێکی سەختی ئابوری و کۆمەڵایەتی بەرۆکی
لوبنانی گرتووە.