رێکخراوی یونسێفی سەربە نەتەوەیەکگرتووەکان رایگەیاند، سێ ملیۆن و ٧٠٠هەزار منداڵ لە ناوچە زیان لێکەوتووەکانی سوریا لەژێر هەڕەشەدان.
رێکخراوی یونسێفی سەر بە نەتەوە یەکگرتووەکان ئاماژەی بەوەدا، لەو ناوچانەی سوریا کە بەهۆی بومەله‌زرەوە زیانیان پێگەیشتووە، سێ ملیۆن و ٧٠٠هەزار منداڵ لە ژێر هەڕەشەدان.
دەشڵێت، ئەو منداڵانە لە
خزمەت گوزارییە سەرەتاییەکان بێبەش بوون.
یونسێف ئەوەشی
خستووەتەڕوو، زیانلێکەوتووانی راستەوخۆی زنجیرە بوومەلەرزەکەی سوریا، پێنج ملیۆن و
٤٠٠ هەزار کەس دەبن، لەو ژمارەیەش دوو ملیۆن و ٦٠٠ هەزاریان منداڵن.
باسی لەوەشکردووە، پێویستە
بە بڕی ١٧٢ ملیۆن و ٧٠٠ هەزار دۆلار هاوکاری خێرا رەوانەی سوریا بکرێت.
لە بەرەبەیانی ٦ی شوباتی ئەمساڵ
بومەلەرزەیەک بە گوڕی ٧.٧ پلە بە پێوەری رێختەر باکور و رۆژئاوای کوردستان و چەند
ناوچەیەکی دیکەی لە تورکیا و سوریا هەژاند و بەشێک لە هاوڵاتییانی عێراق و لوبنان
و میسر هەستیان بە بومەلەرزەکە کرد.
بەهۆی بومەلەرزەکەوە لە
تورکیا و سوریا زیاتر لە ٥٠ هەزار کەس گیانیان لەدەستدا و بە سەدان هەزار کەسیش برینداربوون.