ئاماژەی بەوەش کرد، پاڵاوگەکە پاڵپشتی پرسی نەوت دەبێت و رۆژانە لە توانایدایە رۆژانە ٣٠٠ هەزار بەرمیل بپاڵێوێت و بیانگۆڕێت بۆ بەرهەم و بە نرخی جیهانی بفرۆشرێن.

ئەوەشی خستە روو، پاڵاوگەکە پێویستی ناوخۆی عێراق بۆ بەرهەمە نەوتییەکان دابین دەکات و دەرفەتی کار بۆ زیاتر لە پێنج هەزار کرێکار لە قۆناغی یەکەمدا دەڕەخسێنێت و لەکاتی کەوتنە کاریشدا بەردەوام هەزار کرێکار کاری تێدا دەکەن.

باسی لەوەش کرد، قۆناغی یەکەمی پڕۆژەکە چوار ساڵ دەخایەنێت و قۆناغی دووەمیش پێنج ساڵ دەخایەنێت، لەو دوو قۆناغەدا زیاتر لە ١٥ هەزار هەلی کار دەڕەخسێنرێت.

راشیگەیاند، پڕۆژەکە بە یەکێک لە پڕۆژە ستراتیژییەکان لە کەرتی پاڵاوتن دادەنرێت و عێراق دەگوازێتەوە بۆ ئاستی ئەو وڵاتانەی کە بەرهەمی نەوت هەناردە دەکەن.

ئەوەش لەکاتێکدایە، بەندەری فاو بەندەرێکە کە لە تورکیاوە عێراق بە ئەوروپاوە دەبەستێتەوە و دەبێتە رێڕەوێکی گرنگ بۆ گواستنەوەی کەلوپەل لە نێوان ئەوروپا و رۆژهەڵات لە عێراقەوە.

بەندەرەکە دەکەوێتە باشووری بەسرە، دەبێتە یەکێک لە ١٠ گەورەترین بەندەرەکانی جیهان و تێچووی پڕۆژەکە چوار ملیار و ٦٠٠ ملیۆن یۆرۆیە، ساڵانە توانای گواستنەوەی ٩٩ ملیۆن تۆن کەلوپەلی هەیە و ساڵانە ٢٥ تا ٣٥ ملیار دۆلار داهاتی دەبێت بۆ عێراق.