PM:10:14:04/05/2024
22240 جار خوێندراوەتەوە
کەشناسی هەرێم رایگەیاند، ئەمشەو ئاسمان لەنێوان نیمچەهەور و هەوری تەواو دەبێت و پێشبینی بارینی تاوەباران و هەورەتریشقە لە سنووری پارێزگای دهۆك، ئیدارەی سەربەخۆی زاخۆ، ئیدارەی سەربەخۆی سۆران و ناوچە شاخاوییەكانی پارێزگای هەولێر دەكرێت.
ئەمڕۆ شەممە، بەڕێوەبەرایەتی کەشناسی و بومەلەرزەزانی هەرێم راگەیەندراوێکی بڵاوکردەوە و تێیدا هاتووە، لەم شەودا شەپۆلێکی دیکەی تاوەبارانی پچڕپچر و هەورەتریشقە ناوچە جیاوازەکانی سنوری پارێزگای دهۆك، ناوچە شاخاوییەكانی پارێزگای هەولێر، ئیدارەی سەربەخۆی زاخۆ و سۆران دەگرێتەوە.
ئاماژە بەوەش
کراوە، لە كاتەكانی بەیانی زوودا لە سنووری پارێزگای هەولێر ئەگەری تاوەبارانێكی
كورتخایەن هەیە.
هاوکات کەشناسی
بڕی بارانبارینی لە ناوچەکانی هەرێم لە ماوەی ١٢ کاتژمێردا بڵاوکردەوە و بڕی
بارانبارین بەم جۆرە بووە:
دهۆك ١٦.٥ ملم
زاخۆ ٢٨ ملم
پیرمام ٣٣.٥ ملم
شقلاوە ١٦.٧ ملم
ئاكرێ ٦ ملم
ئامێدی ٥.٨ ملم
بامەڕنی ٤.٤ ملم
سۆران ٨.٢ ملم
حاجی ئۆمەران ٣.٨ ملم
هەڵشۆ ٠.٦ ملم