PM:02:48:04/05/2024
13048 جار خوێندراوەتەوە
بەڕێوەبەرایەتیی ئاوی پارێزگای کەرکوک رایگەیاند، بەهۆی تێکەڵبوونی قوڕ و لیتە و نەبوونی کارەبای پێویست، فەرمانگەی دابەشکردنی ئاوی کەرکوک دابەشکردنی ئاوی ماڵانی راگرتووە.
ئەمڕۆ شەممە، بەڕێوەبەرایەتیی ئاوی پارێزگای کەرکوک راگەیەنراوێکی بڵاو کردەوە و تێیدا هاتووە، دابەشکردنی ئاوی ماڵانیان راگرتووە.
ئاماژە بەوەش کراوە، بەهۆی تێکەڵبوونی قوڕ و لیتە و نەبوونی کارەبای پێویست، دابەشکردنی ئاوی خواردنەوەیان راگرتووە.
ئەوەش خراوەتە روو، لە ئێستادا تیمەکانیان سەرقاڵی چارەسەرکردنی کێشەکەن و
لە زووترین کاتدا چارەسەری دەکەن و دابەشکردنی ئاوی خواردنەوە ئاسایی دەبێتەوە.
ئەوەش لە کاتێکدایە، لە رۆژی چوارشەممەی هەفتەی رابردووەوە، شەپۆلێکی بارانبارینی بەهێز ناوچەکانی هەرێم و بەشێک لە پارێزگاکانی عێراقی گرتووەتەوە و لە هەندێک ناوچەش، دابەشکردنی ئاوی خواردنەوە راگیراوە.
سۆران محەمەد - کەرکوک
