AM:11:48:03/05/2024
1504 جار خوێندراوەتەوە
بەڕێوەبەرایەتی کەشناسی هەرێم لەبارەی ئەو شەپۆلە بارانبارینەی هەریمی گرتووەتەوە رایگەیاند، ئەمڕۆ ئاسمان بە گشتی هەوری باراناوی دەبێت و لە کاتەکانی نیوەڕۆ و دوای نیوەڕۆ کاریگەری شەپۆلەکە بەهێزتردەبێت و هەورە تریشقە و لێزمە باران لە سنوری پارێزگای سلێمانی بەهێزتردەبێت و لەکاتەکانی شەویشدا لە سنوری هەولێر بەهێزتردەبێت.
ئەمرۆ هەینی، بەڕێوەبەرایەتی کەشناسی و بومەلەرزەزانی هەرێم لەبارەی کەشی پێشبینیکراوی ٤٨ کاتژمێری داهاتوەوە رایگەیاند، لە کاتەکانی دوای نیوەڕۆ کاریگەری شەپۆلی لێزمەباران و هەورەتریشقەکە لە ناوچەکانی سنوری سلێمانی و گەرمیان و هەڵەبجە زیاتردەبێت و تا سبەی شەممە بەردەوامی دەبێت.
ئاماژە بەوەش کراوە، لە کاتەکانی شەو پێشبنی دەکرێت کاریگەری ئەو شەپۆلە
لە زۆربەی ناوچەکان بەردەوامی هەبێت و لە ناوچە شاخاویەکانی پارێزگای هەولێر ئیدارەی
سۆران و پارێزگای دهۆک زیاتر دەبێت و تا شەوی شەممە بەردەوامی دەبێت و پاشان کاریگەری
شەپۆلەکە لاوازدەبێت.
دەشڵێت، " پلەکانی گەرما دوو بۆ پێنج پلەی
دیکە نزمبوونەوە بەخۆیانەوە دەبینن".
بەرزترین پلەکانی گەرمای پێشبینیکراو بە پلەی سیلیزی
هەولێر : ٢١
سلێمانی: ٢٠
دهۆک: ٢١
زاخۆ : ٢٢
هەڵەبجە : ٢٠
کەرکوک : ٢٥
سۆران : ١٩
حاجی ئۆمەران : ١٣
گەرمیان : ٢٦