PM:01:58:02/05/2024
3724 جار خوێندراوەتەوە
میدیا عێراقییەکان بڵاویان کردەوە، بانکی ناوەندی لەلایەن لیژنەی هاوبەشی بانکەکە و دەستەی راگەیاندن و پەیوەندییەکانەوە راسپێردراوە بۆ دانانی چەند میکانیزمێک بۆ بەڕێوەبەرایەتییە حکومییەکان لەپێناو رێکخستنی پارەی ئەلیکترۆنی و لەرێگەی ئەو میکانیزمانەوە دەستەی دەستپاکی چاودێری کاری بەڕێوەبەرایەتییەکان بکات.
ئەمڕۆ چوارشەممە، میدیا عێراقییەکان بڵاویان کردەوە، بانکی ناوەندی راسپێردراوە بۆ دانانی چەند میکانیزمێک بۆ بەڕێوەبەرایەتییە حکومییەکان و پێدانی زانیاری بە فەرمانبەران لەبارەی چۆنییەتی کارکردنی میکانیزمەکان لەپێناو رێکخستنی پارەی ئەلیکترۆنی و لەرێگەی ئەو میکانیزمانەوە دەستەی دەستپاکی چاودێری کاری بەڕێوەبەرایەتییەکان بکات.
ئەوەشیان خستووەتە روو، لیژنەکە بەڕێوەبەرایەتییە حکومییەکان و کەرتی
تایبەتی پەیوەندیداری راسپاردووە بۆ دانانی ئامێری راکێشانی پارە تاوکو پرۆسەی بە
ئەلیکترۆنیکردنی پارەدان لە وڵاتدا خێراتر بکەن.
باسیان لەوەش کردووە، لیژنەکە تیمێکی کاری هاوبەش لەنیوان دەسەڵاتی
گشتی باج و ئاسایشی نیشتمانی و وەزارەتی ناوخۆ پێکدەهێنێت بۆ رووبەڕووبوونەوەی تاوانی
رێکخراو.
ئەمەش لە کاتێکدایە، بۆ کۆنترۆڵکردنی نرخی دۆلار و راگرتنی قاچاخچێتی
بە دراوە بیانییەکانەوە عێراق هەوڵدەدات سەرجەم مامەڵەکانی وڵاتەکەی بکات بە
ئەلکترۆنی.
