لەکاتی داخستنی بازاڕەکانی دراودا لە هەرێم نرخی دۆلار دابەزینی بەخۆیەوە بینی و ١٠٠ دۆلار بە ١٤٥ هەزار و ٧٠٠ دینار مامەڵەی پێوە کرا.
ئەمڕۆ چوارشەممە، بەراورد بە کاتی کردنەوەی بازاڕی دراوەکان، نرخی دۆلار گۆڕانکاری بەسەردا هات و ١٠٠ دۆلار نزیکەی ٦٠٠ دینار دابەزیوە.
لە کاتی کردنەوەی بازاڕەکانی دراو لە هەرێم،
١٠٠ دۆلار بە ١٤٦ هەزار و ٣٠٠ دینار مامەڵەی پێوە دەکرا، بەڵام لە ئێستادا، ١٠٠
دۆلار بە ١٤٥ هەزار و ٧٠٠ دینار مامەڵەی پێوە دەکرێت.
هاوکات، دوێنێ سێشەممە، بانکی ناوەندیی عێراق
رایگەیاند، زیاتر لە ٢٧٣ ملیۆن دۆلاریان فرۆشتووە، لەو بڕەش، زیاتر لە ٢٤٥ ملیۆن
دۆلاری بە شێوەی حەواڵە و زیاتر لە ٢٧ ملیۆن دۆلاری بە شێوەی کاش بووە.
ئەوەش لە کاتێکدایە، بانکی ناوەندی عێراق، لەماوەی دوو هەفتەی کۆتایی مانگی
رابردوودا، بە هەردوو شێوەی کاش و حەواڵە نزیکەی سێ ملیار دۆلاری فرۆشتووە، لەو رێژەیەش
٩٦٪ بەشێوەی حەواڵەی دەرەکی بووە. ئەوەش یەکەم جارە بانکی ناوەندی لە دوو هەفتەدا
نزیکی سێ ملیار دۆلار بفرۆشێت.