وتەبێژی وەزارەتی گواستەوە و گەیاندنی حکومەتی کاربەڕێکەری هەرێم رایگەیاند، لە سنووری چەند ناوچەیەکی هەرێم پێشبینی دەکرێت ئاستی دابارین زیاتر بێت و بەرگری شارستانی هەولێرش داوا لەو هاوڵاتییانە دەکات کە ماڵ و ناوچەکانییان لە نزیک ئاوەوەیە، زیاتر ئاگاداری خۆیان بن.
دیلان رەشاد وتەبێژی وەزارەتی گواستنەوە و گەیاندنی هەرێم رایگەیاند، شەپۆلی بارانبارین سەرتاسەری هەرێم دەگرێتەوە و پێشبینی زیادبوونی ئاستی دابارین دەکرێت.
باسی لەوەش کرد،
پلەکانی گەرما تاوەکو ١٠ پلەی سیلیزی دادەبەزن و لە سنووری پارێزگاکانی سلێمانی و
هەڵەبجە و کەرکوک و ئیدارەی راپەڕین ئاستی دابارین زیاتر دەبێت.
ئەوەشی خستە روو،
پێشبینی دەکەن رێژەی بارانبارین لە سەنتەری شارەکاندا ٥٠ ملم بێت و بارانبارینەکە
هەورەبروسکەی لەگەڵ دەبێت و لە چەند ناوچەیەکیش تەرزە دەبارێت.
لەو بارەیەشەوە،
سەرکەوت کاڕەش، وتەبێژی بەرگری شارستانی هەولێر ئاماژەی بەوە کرد، ئامادەکارییان
کردووە و تیمەکان لە ئامادەباشیدان و پلانیان داناوە بۆ رووبەڕووبوونەوەی دۆخەکان.
داواشی لە هاوڵاتییان
کرد، هاتوچۆی نێوان شارەکان کەمبکەنەوە و بۆ کاری پێویست نەبێت نەچنە دەرەوە.
راشیگەیاند، "داوا
لەو هاوڵاتییانە دەکەین کە ماڵ و شوێنی نیشتەجێبوونیان لە نزیک ئاوەوەیە، زیاتر
ئاگاداری خۆیان بن".
ئەوەش لە کاتێکدایە،
بەپێی پێشبینییەکانی کەشناسی، لەمڕۆوە شەپۆلێکی بارانبارین روو لە ناوچە جیاوازەکانی
هەرێم دەکات و لوتکەی شەپۆلەکە لە رۆژانی پێنجشەممە و هەینیدا دەبێت.