خاوەن کێڵگە پەلەوەرییەکان دژی هاوردەکردنی هێلکەی قاچاغ لە سنووری هەولێر گردبوونەوە و داوای راگرتنی هاوردەکردنی هێلکەی قاچاغ لە دەروازە سنوورییەکانەوە دەکەن.
خاوەن کێڵگە پەلەوەرییەکان بە ئێن ئاڕ تیان راگەیاند، بەهۆی هاوردەکردنی هێلکەی قاچاغ رۆژانە بە رێژەیەکی زۆر زەرەر دەکەن و بە تەواوی بەرهەمی هێلکەکانیان بۆ ساغناکرێتەوە.
باسیان لەوەش
کرد، چەند جارێکی دیکەش گردبوونەوەیان ئەنجام داوە دژی هاوردەکردنی هێلکەی قاچاغ و
چەندین بەڵێنیان پێ دراوە بەڵام تا ئێستا کێشەکانیان بۆ چارەسەر نەکراوە.
ئەوەش لەکاتێکدایە،
لە ماوەی رابردوودا بەشێک لە خاوەن کێڵگە پەلەوەرییەکانی عێراق و هەرێم، دژی هاوردەکردنی
هێلکەی قاچاغ لە مەرزەکانەوە گردبوونەوە و ئاماژەیان بەوە کرد، بە پێی نوسراوی
حکومەتی عێراق و حکومەتی کاربەڕێکەر هاوردەکردنی هێلکەی قاچاغ قەدەغەیە، بەڵام کار
بەو نوسراوانە ناکرێت.
باسیان لەوەش
کرد، لە دەروازە سنوورییەکانەوە بارێک هێلکەی قاچاغ بە چوار هەزار و ٥٠٠ دۆلار داخڵی
هەرێم و عێراق دەکرێت و لەوێشەوە دەبرێتە بازاڕەکان.