PM:12:12:30/04/2024
40108 جار خوێندراوەتەوە
دوای ئەوەی لە چەند رۆژی رابردوودا نرخی دۆلار دابەزینی بەرچاوی بەخۆوە بینی، ئەمڕۆ سێشەممە، لەکاتی کردنەوەی بازاڕی دراوەکان لە هەرێم نرخی دۆلار بەرز بووەوە و هەر ١٠٠ دۆلارێک بە ١٤٥ هەزار و ٩٥٠ دینار مامەڵەی پێوە کرا و بەراورد بە کاتی داخستنی بازاڕی دراوەکان لە دوێنێدا ١٥٠ دینار جیاوازی هەیە.
ئەمڕۆ سێشەممە، لە کاتی کردنەوەی بازاڕی دراوەکان لە هەرێم نرخی دۆلار بەرز بووەوە و ١٠٠ دۆلار بەرامبەر بە ١٤٥ هەزار و ٩٥٠ دینار مامەڵەی پێوەکرا، لە ئێستاشدا دوای نزیکەی دوو کاتژمێر لە کرانەوەی بازاڕ، نرخی دۆلار زیاتر بەرزبووەتەوە و ١٠٠ دۆلار بەرامبەر بە ١٤٦ هەزار و ١٠٠ دینارە.
لای خۆشیەوە، وتەبێژی بازاڕی دراوەکانی سلێمانی بە ئێن
ئاڕ تی راگەیاند، نرخی دۆلار دابەزینێکی بەرچاوی بەخۆیەوە بینیوە و ئەوەش کاریگەری
سەردانەکەی محەمەد شیاع سودانی سەرۆک وەزیرانی عێراق بووە و پێشبینیش دەکرێت نرخی
دۆلار لە ١٤٥ هەزار دیناردا بمێنێتەوە.
بانکی ناوەندی عێراق، لەماوەی دوو هەفتەی رابردوودا بە هەردوو
شێوەی کاش و حەواڵە نزیکی سێ ملیار دۆلار فرۆشراوە و لەو رێژەیەش ٩٦٪ بەشێوەی حەواڵەدەرەکی
بووە. ئەوەش یەکەم جارە بانکی ناوەندی لە دوو هەفتەدا نزیکی سێ ملیار دۆلار بفرۆشێت.
