کەشناسی هەرێم پێشبینییەکانی کەشوهەوای ئەمڕۆ و سبەی راگەیاند و ئاماژەی بەوە کرد، شەپۆلێکی بارانبارین و هەورەتریشقە هەرێم دەگرێتەوە و خۆڵبارین لە ناوچەکانی هەرێم بەردەوام دەبێت، پلەکانی گەرماش بە تێکڕا نزیکەی ١٠ پلە دادەبەزن.
ئەمڕۆ سێشەممە، کەشناسی هەرێم راگەیەنراوێکی بڵاوکردەوە و تێیدا هاتووە، ئاسمان هەور و نیمچەهەور دەبێت لەگەڵ بوونی تۆز و خۆڵ و زیادبوونى خێرایی با، لە کاتەکانی دواى نیوەڕۆ شەپۆلێکى هەورە تریشقە و بارانبارینى پچڕپچڕ لە سەرجەم ناوچە جیاجیاکان دەبارێت دواتر لە شەودا کاریگەرى بارانبارین کۆتایی دێت.
ئاماژەی بەوەش کردووە، لەبەر بوونى
گۆڕانکارى لەم وەرزەدا ئەگەرى هەیە گۆرانکاڕى لەکات و جۆرى دابارین و کەشەکە دروست
ببێت، بڕى بارانبارینى پێشبینیکراو بۆ ئەمڕۆ لەنێوان ٥ بۆ ١٠ ملم دەبێت. پلەکانی گەرماش
٢ بۆ ٤ پلە نزم دەبنەوە.
سەبارەت
بە کەشی سبەی چوارشەممە ئەوەی خستووەتە روو، ئاسمان هەور و نیمچەهەور دەبێت لەگەڵ
زیادبوونى خێرایی با، ئەگەرى بەرزبوونەوەى تۆز و خۆڵ لەسەر بەشێک لە ناوچەکانى باشوورى پارێزگاى هەولێر، بەشێک لە ئیدارەى گەرمیان و پارێزگاى کرکوک هەیە، لە ئەنجامى
ئەو ناسەقامگیریەى لەسەر کەشی ناوچەکە هەیە لە دواى نیوەڕۆ بارانبارین دەست پێ دەکاتەوە
و هەورەتریشقەشی لەگەڵدا دەبێت.
باسی
لەوەش کرد، ئاستى دابارین لەسەر بەشێک لە پارێزگاکانى سلێمانى و ناوچە شاخاوییەکان
زیاتر دەبێت و بڕى بارانبارینى پێشبینیکراو لە سنوورى پارێزگاکان بەم شێوەیە دەبێت:
- سەنتەری پارێزگاى هەولێر ٤-٦ ملم
- ئیدارەى
سەربەخۆى سۆران و ناوچە شاخاوییەکان ٧-١٠ملم
- سەنتەرى
پارێزگاى سلێمانى ٦-١٠ ملم
- ئیدارەى
سەربەخۆى راپەرین ٨-١٠ ملم
- ئیدارەى
سەربەخۆى گەرمیان ٨-١٠ملم
- سەنتەرى
پارێزگاى دهۆک ٢-٥ ملم
- ئیدارەى
سەربەخۆى زاخۆ ٢-٥ ملم
هاوکات
راشیگەیاندووە، خێراى با بە گشتی مامناوەند دەبێت لە کاتەکانی دوایی نیوەڕۆ چالاک
دەبێت بۆ سەرووی ٣٠ کم لە کاتژمێرێکدا. پلەکانی گەرماش ٣ بۆ ٥ پلە نزم دەبێتەوە.
بەرزترین
پلەکانی گەرمای پێشبینیکراو بە پلەی سیلیزی:
هەولێر :
٣٠
سلێمانی
: ٢٩
دهۆک : ٢٨
زاخۆ
: ٢٩
هەڵەبجە
: ٢٧
کەرکوک :
٣٢
سۆران : ٢٧
حاجی ئۆمەران
: ١٩
گەرمیان
: ٣٣