دوابەدوای سەردانەکەی سەرۆک وەزیرانی عێراق بۆ واشنتۆن و ریاز نرخی دۆلار دابەزینی بەخۆیەوە بینی و لە ئێستاشدا ١٠٠ دۆلار بە ١٤٥ هەزار و ٥٠ دینار مامەڵەی پێوەدەکرێت.
ئەمڕۆ یەکشەممە، لە نوسینگەکانی ئاڵوگۆڕی دراو نرخی دۆلار هەزار و ١٠٠ دینار دابەزینی بەخۆیەوە بینی و لە ئێستادا ١٠٠ دۆلار بە ١٤٥ هەزار بۆ ١٤٥ هەزار و ٥٠ دینار مامەڵەی پێوەدەکرێت.
لەو بارەیەشەوە وتەبێژی بازاڕی
دراوەکانی سلێمانی بە ئێن ئاڕ تی راگەیاند، نرخی دۆلار دابەزینێکی بەرچاوی بەخۆیەوە
بینیوە و ئەوەش کاریگەری سەردانەکەی محەمەد
شیاع سودانی سەرۆک وەزیرانی عێراق بووە و پێشبینیش دەکرێت نرخی دۆلار لە ١٤٥ هەزار دیناردا بمێنێتەوە.
هەر ئەمڕۆ، بانکی ناوەندیی عێراق لە سەکۆی ئەلیکترۆنی خستنەڕووی دراوە
بیانییەکانەوە رایگەیاند، ئەمڕۆ بە تێکڕا ٢٧٥ ملیۆن و ٢٢٧ هەزار و ٢٦٧ دۆلاریان بە
بانک و بازرگانەکان فرۆشتووە.
ئاماژەی بەوەش کرد، لەو رێژەیە ١٤ ملیۆن و ١٩٠ هەزار دۆلاری بەشێوەی
کاش بووە و ٢٦١ ملیۆن و ٣٧ هەزار و ٢٦٧ دۆلاری بەشێوەی حەواڵەی دەرەکی بووە.