پەیامنێری ئێن ئار تی لە شنگال رایگەیاند، ماوەی دوو رۆژە شەڕ لە شنگال راگیراوە و دۆخەکە ئارامە بەڵام سوپای عێراق بەردەوامە لە رەوانەکردنی هێزی زیاتر بۆ ناوچەکە.
بەگوێرەی قسەکانی پەیامنێری ئێن ئاڕ تی، ترس و دڵەراوکێی هاوڵاتیان بەردەوامە و هاتوچۆکردن لەنێو سەنتەری شارەکان کەمیکردووە و بەردەوام بەرەو کەمپەکانی دهۆک دەڕۆن
ئەمەش لە کاتێکدایە، لە کاتژمێر چواری ئێوارەی دووی مانگەوە بە بڕیارێکی
عێراق، شەڕ لە نێوان هێزەکانی سوپای عێراق و هێزەکانی یەپەشە لە ناحیەکانی سنۆنێ و
کۆمەڵگەی دگور لە شنگال راگیراوە.
لایخۆشیەوە، یەپەشە ئاماژەی بەوەداوە هەتا دوای جەژن شەڕ وەستاوە و ئەگەر
بە گفتوگۆ نەتوانن کێشەکانیان لەگەڵ سوپای عێراق چارەسەر بکەن پێشبینی روودانی شەڕی
زیاتر دەکەن.
ئەمەش لە کاتێکدایە سوپای عێراق هێرشێکی سێ رۆژەی بۆ سەر زاڵگەکانی هێزەکانی
یەبەشە دەستپیکردووە و بەپێی راگەیەندراوی سوپای عێراقیش هێرشەکان بۆ پوچەڵکردنەوەی
ئەو زاڵگانەیە کە رێگری لە هاوڵاتیانی شنگال دەکەن بگەڕێنەوە بۆ ناوچەکانیان.
شنگال ناوچەیەکی جێناکۆکە و زۆرینەی دانیشتوانەکەی کوردانی ئێزدین و ٧٤
جار رووبەڕووی ئەنفالکردن بوونەتەوە لە مێژوودا و ئەمە دوومجارە کوردانی ئێزدی
رووبەڕووی ئاوارەبوون دەبنەوە دوای ئاوارەبوونی یەکەم لەدوای هاتنی داعش ساڵی ٢٠١٤
کەدەیان هەزار خێزان ئاوارەبوون و سەدان گەنجیان کوژراو نزیکەی ١٠ هەزار کچی ئێزدیش
داعش بەدیل گرتنی و کردنی بەسەبایا.