نووچەگەهانێ ئێن ئاڕ تی راگەهاند، دەمەکی بەریا نها ل سحێلا کچەکا ١٨ سالی و کوڕەکێ ئێک سالی د روویبارێ دیجلە دا خەندقین.
ڕێڤەبەریا سەقاناسیا هەرێمێ پێشبینیێن سەقای بۆ ٤٨ دەمژمێرێن داهاتی بەلاڤکر و راگەهاند، پلەیێن گەرمێ دێ بلند بن.
دەمەکی بەریا نها ل گەلیێ ئەڤریکێ ل دهۆکێ، ئاگر بەربوو ترۆمبێلەکا ژ جورێ "ئەڤیۆ" د ڤێ بوویەرێ دا زیانێن گیانی نەبوون لێ ترۆمبێل ب تەمامی هاتیە سوتن.
لدیڤ کارناما پەرلەمانێ بڕیارە ئەڤڕۆ پشتی بوورینا شەش مەهان بێی چ سەرۆک دووبارە جڤینا پەرلەمانێ عێراقێ بڕێڤەبچیت و سەرۆکێ پەرلەمانێ عێراقێ بهێتە هەلبژارتن، لێ تا نها ئێک دەنگی دناڤبەرائالیان دا ناهێتە دیتن. هدڤەم، خاندنا دووێ بۆ سەرڕاست کرنا یاسایا کۆمسیۆنێ بهێتە ئەنجام دان.
بڕیارە سوبەهی جڤینا پەرلەمانێ عێراقێ بڕێڤەبچیت و سەرۆکێ پەرلەمانێ عێراقێ بهێتە هەلبژارتن، خاندنا دووێ بۆ سەرڕاست کرنا یاسایا کۆمسیۆنێ بهێتە ئەنجام دان، لێ تا نها ئێک دەنگی دناڤبەرا ئالیان دا ناهێتە دیتن.
پەیڤدارێ بەڕەڤانیا باژێڕێ چۆمان بۆ ئێن ئاڕ تی راگەهاند، باب و کوڕەک د ڕوویبارەکێ سنوورێ گەلالە ل چۆمان دا خەندقین.
وەزارەتا داراییا عێراقێ ڕاگەهاند، ب مەرەما چاکسازی کرنێ د سیستەمێ خانەنشینیێ دا و پێشکەشکرنا خزمەتگوزاریا زێدەتر ب خانەنشێنان و وەلاتیێن عێراقێ، شاندەکێ تایبەت ب کاروبارێن خانەنشینان دگەل نوینەراتیا بەنکا نیڤدەولەتی کۆم بوون. دبێژیت ژی، "ئەڤ پێنگاڤە ب مەرەما گۆهرینانە د سیستەمێ خانەنشینیا عێراقێ دا".
پشتی کو ل چەند رۆژێن دەربازبووی بهایێ زێری ل بازارێن هەرێمێ بلند بووی، د نها دا ئەو کانزایێ زەر هاتە خار و هەر مسقالەکا زێری دوو بۆ سێ هزار دیناران بلند بوو.
سەقاناسیا هەرێمێ ڕاگەهاند، ئەڤرۆ و سوبەهی ئەسمان پارچە عەور دبیت و پلەیێن گەرمێ دێ بلند بن.
بەنکا رافیدەین ڕاگەهاند، ل سەر ئەرکدارکرنا وەزارەتا دارایی و ب مەرەما بەرفرەهکرنا ژێرخانا ئابووری و داهاتێ تاکەکەسی، ئێک بۆ ٢٠ ملیۆن دیناران دێ دەینە هەمی وەلاتیان بێ جوداهی، دبێژیت ژی، "پێدڤیە ب رێکا سەکۆیا تایبەت ب بەنکا مە داخازکاریێ بۆ وی قەری بهێتە پێشکێشکرن".
جێگرێ پەیڤدارێ وەزارەتا دەرڤەیا ئەمریکا ڕاگەهاند، د گۆتۆبێژان دا بەردەوامین بۆ دەسپێکرنا هناردەیا پەترۆلا هەرێمێ ب رێکا بەندەرێ جەیهانێ تورکیا.
وەزارەتا پەروەردەیا حکومەتا ڕێڤابرنا کاران، ئەنجامێن تاقیکرنێن پۆلا نەهێ بنەڕەتی بەلاڤکرن.
نووچەگەهانی ئێن ئاڕ تی راگەهاند، ئامێرێن ڕاکێشانا پارەی یێ پرۆژێ "هژمارا من" کار ناکەت و ژبەر هندێ قەرەبالغیەکا زۆر دروستبوویە، ب وی سەدەمێ مووچەخۆرێن پشکدار د هژمارا من دا نەشێن مووچەیێن خۆ وەربگرن.
سەرەدانا شاندێن بیانی بۆ دەڤ نەوەی نوێ بەردەوامە، شاندەکا نەتەوەیێن هەڤگرتی سەرەدانا ڤەلڤینا نەوەی نوێ کر و نەوەی نوێ تەکەز ژ ئەنجام دانا هەلبژاتنا پەرلەمانێ کوردستانێ کر.
هنارتیا نەتەوەیێن هەڤگرتی ل عێراقێ راگەهاند، ئەنجام نەدانا هەلبژارتنێ دێ دوماهیێ ب شەرعیەتا سازیێن هەرێما کوردستانێ ئینیتن. دبێژیت ژیم "پێدڤیە ب زووترین دەم هەلبژارتن ل هەرێمێ بهێتە ئەنجام دان".
سەرۆک وەزیرێن عێراقێ بەنکا TBI ئەرکدار کریە بۆ گرتنەبەرا کۆمەکا رێکاران ب ئارمانجا بەرفرەهبوونا لقێن وێ بەنکێ و زێدەکرنا خزمەتگوزاریان.
حکومەتا عێراقێ ڕاگەهاند، ل داویا مەها تەمموزێ کەمپێن ئاوارەیا دێ دائێخن، رێڤەبەرێ کۆچ و کۆچبەرێن دهۆکێ ژی بۆ ئێن ئاڕ تی ڕاگەهاند، وان دڤێت هەمی ئاوارەیێن شنگالێ ڤەگەڕنە دەڤەرێن خۆ و بۆ وێ مەرەمێ ژی حکومەتا عێراقێ بۆ هەر خێزانەکێ کوژمێ چار ملیۆن دیناران تەرخانکرینە، دبێژیت ژی، "ئاوارەیێن شنگالێ ل هەر پارێزگەهەکا عێراقێ و هەرێمێ بڤێت بژین عێراق هاریکاریا وان دکەت".
رێڤەبەرێ ئۆفیسا هەولێرێ یێ کۆمسیۆنا هەلبژارتنێن عێراقێ ڕاگەهاند، دووبارە دەست ب تۆمارکرنا بایۆمێتری دهێتە کرن ل هەر چار پارێزگەهێن هەرێمێ.
ژێدەرەکێ هایدار ژ وەزارەتا داراییا حکومەتا رێڤەبرنا کاران بۆ دیجیتال میدیایا ئێن ئاڕ تی ڕاگەهاند، ئەو وەزارەت و دەزگەهێن کو ناڤێن وان د لیستا مووچەی دا نینە، چاڤەرێ نە کو پارەیێ وان ل بەغدا بهێتە هنارتن و دەست ب دابەشکرنا مووچەیێ وان یێ مەها نیسانێ بکەن. دبێژیت ژی، "حکومەتا عێراقێ نەرمی نیشاندایە بۆ هنارتنا مووچەیێ مووچەخۆرێن هەرێمێ د دەمێ خۆ دا".
سەقاناسیا هەرێمێ ڕاگەهاند، دێ بارانەکا نەرم ل دەڤەرێن چیایێن سنورێ باکووری باریت، ل دەمێن پشتی نیڤرۆ ژی دا ، ل چەند دەڤەرێن هەرێمێ دابارین ب ئاوایێ تاڤیێن بارانێ دبیت.