PM:01:03:03/10/2021
41804 جار خوێندراوەتەوە
وەزارەتى دارایى و ئابورى حکومەتى هەرێمى کوردستان لیستى دابەشکردنى موچەى مانگى ئەیلوولى سەرجەمى وەزارەتەکانى بڵاوکردەوە.
وەزارەتى دارایى و ئابورى حکومەتى هەرێمى کوردستان لە راگەیەندراوێکدا لیستى دابەشکردنى موچەى مانگى ئەیلوولى سەرجەمى وەزارەتەکانى راگەیاند و بەگوێرەى راگەیەندراوەکە دابەشکردنى مووچەى مانگى ئەیلوول لە رۆژى پێنجشەممە (٧ى تشرینى یەکەمى ٢٠٢١) بە دابەشکردنى موچەى سەرۆکایەتى هەرێم و پەرلەمان و ئەنجومەنى وەزیران و خانەنشینى شارستانى) کۆتایى دێت.
دابەشکردنى مووچەى
مانگى ئەیلوول، لە ٢٥ى ئەیلوول دەستى پێکرد و بەگوێرەى راگەیەندراوەکەى وەزارەتى
دارایى لەدواى ١٣ رۆژ مووچەى سەرجەم وەزارەت و دەستەکان دابەشدەکرێت.
لەبارەى خاو بەڕێوەچوونى پڕۆسەى دابەشکردنى موچە
پێشتر جوتیار عادل وتەبێژى حکومەتى هەرێمى کوردستان لەمیانەى ئەنجامدانى
کۆنگرەیەکى رۆژنامەوانیدا باسى لە هۆکارى خاوبوونەوەى دابەشکردنى موچەى کرد و رایگەیاند
"نەبوونى سیولە گرفتى بۆ دابەشکردنى موچە دروستکردووە".
سەرەڕای ئەوەی ماوەی چەند مانگێک بوو داهاتەکانی حکومەتی هەرێم بەردەوام
لە زیادبووندابوون و بەشی دابەشکردنی موچەی دەکرد بەبێ لێبڕین، بەڵام دوو مانگی بەر
لە ئێستا، کاتێک بەغدا بڕی ٢٠٠ ملیار دیناری بۆ هەرێم نارد و هیچ بیانوویەک نەمایەوە
بۆ بەردەوامیدان پێی، بڕیاردرا بێ لێبڕین موچە دابەشبکرێت تا ئەو کاتەی بەغدا لە
ناردنی ئەو بڕە پارەیە بەردەوام بێت.
