رێڤەبەرێ بەنداڤا دهۆکێ ڕاگەهاند، ژبەر ڤێ پێلا باران بارینێ ئاستێ ئاڤا بەنداڤان بلندبوویە و دبێژیت، "خۆ دویر بکەن ژ دەوروبەرێن رویباری".
پەرلەمانتارەکێ بەرێ یێ نەوەی نوێ ڕاگەهاند، لسەر راسپاردەیا سەرۆکێ ڤەلڤینا نەوەی نوێ تیمێن وان ل هەمی وان جهان بەلاڤبووینە کو ژبەر دروستبونا لەهیان مەترسی لسەرە. گۆت ژی، " بێ پلانیا حکومەتێ دەرئانجمێن ب ڤی ئاوای لێ پەیدا دبن"
بەغدا ئێک ملیار و نیڤ ئێخستنە سەر هژمارا بەنکیا هەرێمێ و ژێدەرەکی ژ وەزارەتا دارایی ڕاگەهاند، ب گەهشتنا وی پارەی ژی دەست ب دابەشکرنا مووچەی ناکەن.
ژبەر باران بارینێ و دروستبوونا لەهیێ تا نها ل دهۆکێ دوو کەسان ژیانا خۆ ژدەستدانە و سەقاناسیا هەرێمێ هایداریەکا بلەز ددەتە وەلاتیان و ڕاگەهاند، پێلا باران بارینێ دێ بهێزتر بیت و تا نیڤرۆ دێ هەمی دەڤەرێن دی یێن هەرێمێ ڤەگریت.
بەرەڤانیا باژێرێ دهۆکێ بۆ ئێن ئاڕ تی ڕاگەهاند، ل تاخێ نزارکێ ل دهۆکێ ژبەر دروستبوونا لەهیێ دوو کەسان ژیانا خۆ ژدەستداینە.
ل سەنتەرێ دهۆکێ لەهی دروست بوویە و ئاڤ چویە ناڤ سەدان مالێن هژمارەکا تاخێن دهۆکێ و ل پتریا جاددەیان ئاڤ کۆم بوویە، بەرەڤانیا باژێرێ دهۆکێ ژی دبێژیت، ژبەر لەهیێ ل تاخێ نزارکێ دوو کەس بێ سەروجهـ بوینە.
بەرەڤانیا باژێرێ دهۆکێ ڕاگەهاند، ژبەر نەبنەجهیا رەوشا سەقای هایداریا وەلاتیان دکەین کو ئەگەر چ کارێن گرنگ و پێدڤی نەبن ژ مالێن خۆ دەرنەکەڤن، ژلایەکێ دی ڤە باژێرڤانیا دهۆکێ ڕاگەهاند، ئاڤ چویە ناڤ هژمارەکا مالان ل نزاركێ و دەردورێ وێ و ڕووبارێ هشكهروو و مالتایێ پرى ئاڤ بوینه، ههروهسا چهندین جادده یێن سهنتهرێ دهۆكێ و دومیزێ هاتینه گرتن.
بۆ سێیەم رۆژ لسەر ئێک بایکۆتا بەشەکا فەرمانگەهان دژی گیروبوون و نەدانا مووچەی ل سنورێ سلێمانیێ بەردەوامە.
لدیف داتایێن بازارێ جیهانێ د نها دا ئێک بەرمیلا پەترۆلا خاڤا برێنت ب ٨٦ دۆلار و ٧٥ سەنتان بازار پێ دهێتە کرن، بڤێ ژی هەڤبەر ب رۆژا دەربازبووی بهایێ وێ زێدەتری دۆلارەکی بلند بوویە.
پارێزگەها نەجەف و بابل و موسەننا و ئەنبار و سەلاحەدین و دیالە ڕاگەهاند، ب سەدەمێ باران بارینا ب تۆز و نە بنەجهیا رەوشا سەقای سوبەهی سێشەمبی ل هەمی سازیان بهێنڤەدانا فەرمی یە.
ئەرکدارکریێ نەتەوەیێن هەڤگرتی ل عێراقێ ڕاگەهاند، بڕیڤەچوونا هەلبژارتنا پەرلەمانێ هەرێمێ ١٠ـی حوزەیرانێ و د دەمێ خۆ دا زۆر گرنگە.
پارێزگارێ هەولێرێ ڕاگەهاند، سوبەهی ل هەولێرێ دەوام ئاسایی دبیت و بێهنڤەدان ناهێتە ڕاگەهاندن.
بالیۆزا ئەمریکا ل عێراقێ ڕاگەهاند، دلگرانن ژ بایکۆتکرنا هەلبژارتنا پەرلەمانێ کوردستانێ ژلایێ پارتی ڤە و داخازێ ژ حکومەتا عێراقێ و هەرێمێ دکەین پشتراست بکەن کو هەلبژارتن د ئازاد و دادپەروەر و زەلال و باوەرپێکری نە.
رێڤەبەریا سەقاناسی یا هەرێمێ ڕاگەهاند، ب سەدەمێ ب هێزیا باران بارینا ئەڤەشەڤە ئەگەرێ دروستبوونا لەهیێ هەیە و هایداریێ ددەتە وەلاتیان بۆ جێبەجێکرنا رێنمایێن خۆپارێزیێ.
جڤاتا وەزاریا عێراقێ بۆ کاروبارێن ئابووری، بۆ وەرزێ چاندنا ئەڤسالە عێراقێ بهایێ تەنەکێ گەنمی ب ٨٥٠ هزار دیناران دیارکر.
مامۆستا و وانەبێژ و فەرمانبەرێن خاندنا کوردی ل کەرکوکێ ڕاگەهاندن، پێدڤیە د ڤێ حەفتیێ دا و ب زویترین دەم دەست ب دابەشکرنا مووچەی بهێتە کرن، دبێژن ژی،"ئەگەر ڤێ حەفتیێ مووچەیێن وان دابەش نەکەن دێ دەست ب خۆنیشاندانێ کەن"
وەزارەتا داراییا عێراقێ ڕاگەهاند، وەزارەتا وان بەرپرسە ژ دابەشکرنا مووچەیێ هەمی چین و تەخان د دەمێ دیارکریێ خۆ دا و هەمی وان تۆهمەتان رەتدکەن کو بەحسا پاشکەفتنا شایستەدارایێن چەند چین و تەخان دکەن.
سەرۆکێ ڤەلڤینا نەوەی نوێ ڕاگەهاند، وان وەکی نەوەی نوێ دەمەکە گۆتیە پارتی و یەکێتی هەلبژارتنێ بکەن خوسارەت دبن و نەکەن دێ هەرفن. دبێژیت ژی، "بۆ یەکێتی و پارتی پێشنیارێ دکەم هەیامەکێ ئۆپۆزسیۆن بن".
مەکتەبا سیاسیا پارتی ڕاگەهاندنەک بەلاڤکر و تێدا هاتیە، بڕیارێن دادگەها فیدڕالی دژی هەرێمێ نە و بۆ هەلبژارتنا گەڕا شەشێ یا پەرلەمانێ کوردستانێ، پشکداریا هەلبژارتنا نەدەستوری ناکەن.
فەرماندەیێ بەرێ یێ فەرماندەیا ناڤەندیا ئەمریکا و فەرماندەیێ ئۆپراسیۆنێن تایبەتێن ئەمریکا بۆ دیجیتال میدیایا ئێن ئاڕ تی ڕاگەهاند، بەرسڤا وان بۆ وان هێرشێن کو بۆ سەر هێزێن وان ل عێراق و دەردورێ وێ دهێنەکرن دێ یا گران بیت، دبێژیت ژی، "نێرینا من یا وەسایە کو چ بڕیار لسەر ڤەکشیانا هێزێن ئەمریکا ل عێراقێ هاتبنەدان".