AM:09:12:14/07/2025
13704 جار خوێندراوەتەوە
وەزارەتی گواستنەوەی عێراق رەتیدەکاتەوە ئاسمانی وڵاتەکەی بەڕووی گەشتە ئاسمانییەکاندا داخرابێت و دەشڵێت، هەواڵی راگرتنی گەشتەکانی نێوان عێراق و تورکیا و بەپێچەوانەوە دوورە لە راستییەوە.
ئەمڕۆ دووشەممە ١٤ـی تەمموزی ٢٠٢٥، لە بارەی راگرتنی گەشتە ئاسمانییەکانی تورکیا بۆ عێراق و بە پێچەوانەشەوە مەیسەم سافی وتەبێژی وەزارەتەکە بە ئاژانسی هەواڵی ئینای عێراقی وتووە، رەتیدەکاتەوە ئاسمانی وڵاتەکەی بەڕووی گەشتە ئاسمانییەکاندا داخرابێت.
ئاماژەی بەوەشکرد، گەشتەکان لە ئاسمانی
عێراقدا بەردەوامی هەیە و فڕۆکەخانەکان کراوەن بۆ هەموو کۆمپانیکان.
ئەوەش لە کاتێکدایە، شەوی رابردوو کەناڵی
تەلەفزیۆنی حەدەس بڵاویکردەوە، هێڵی ئاسمانی تورکیا لە ماڵپەڕی فەرمی رایگەیاندووە
سەرجەم گەشتەکانی بۆ عێراق، ئێران، سوریا، لوبنان و ئوردن تا ٣١ـی ئەم مانگە
هەڵوەشاندووەتەوە.
