لەدەستدانی ماسولکەکانی جەستە بە خێرایی یان لەدەستدانی وردە وردە شتێکە کە هەموو وەرزشوانێک یان کەسێک بێزار دەکات کە خوازیاری جەستەیەکی وەرزشی ناوازە بێت، بەڵام چەندین چالاکی هەیە کە دەتوانیت ئاگاداری بیت و لە هەمان کاتدا ماسولکەکانت بپارێزیت و تەنانەت پەرەیان پێبدەیت.
بەگوێرەی راپۆرتێک کە لە ماڵپەڕی ڤێری وێڵ فیت کە تایبەتە بە وەرزش و وەرزشوانان بڵاوکراوەتەوە، وەستاندنی وەرزش و پیربوون و تێکچوونی خۆراکی و هۆکارەکانی دیکە بێ گومان هێزی ماسولکەکان سنووردار دەکەن و دەبێتە هۆی لەدەستدانی بە شێوەیەکی خێراتر، ئەمە جگە لە دەستوەردانی هەندێک تایبەتمەندی بۆماوەیی، هەندێک لە چالاکی رۆژانەش لەگەڵ تەمەندا رەنگە لەدەستدانی ئەم ماسولکانە کۆنتڕۆڵ بکات.
راپۆرتەکە درێژەی بە قسەکانی داوە کە دەکرێت ئەم لەدەستدانی ماسولکەیە وردە وردە کەم بکرێتەوە ئەگەر کەسەکە کۆمەڵێک ئامۆژگاری پەیڕەو بکات، لەوانە:
١. هەرگیز لەبیری مەکە، لە هەر کاتێکی ژیانتدا، ئەو راهێنانانەی کە پاڵپشتی ماسولکەکانی لەش دەکەن، ئەم راهێنانانە پاراستنی بارستەی ماسولکەکان بەرز دەکەنەوە و توانای هەڵگرتنی کێش زیاد دەکەن، هەروەها بە شێوەیەکی گشتی سوودبەخشن بۆ پاراستنی جەستە لە نەخۆشی، بەرزکردنەوەی تەندروستی دڵ و بەرزکردنەوەی هێز و قەبارەی ماسولکەکانت.
٢. خواردنی باش واتە ماسولکەی باش، مەبەست لە زۆری خۆراکدا نییە، بەڵکو لە بڕێکی هاوسەنگی خۆراکدایە کە کاردەکات بۆ دابینکردنی وزە بۆ ماسولکەکان، پرۆتین بۆ نموونە خۆراکی ماسولکەیە، جا چ پرۆتینی رووەکی بێت یان ئاژەڵ، بۆیە هەمیشە پێویستە رێژەی پرۆتینی پێشنیار کراو بەپێی هەر بارودۆخێک بپارێزرێت.
کالۆری زۆر گرنگە کاتێک دەتەوێت ماسولکەکانت و تەندروستی و هێزیان بپارێزیت، کارێکی هەڵەیە کە رێجیمێک پەیڕەو بکەیت کە بڕی کالۆری پێویستی تێدا نەبێت بۆ پاڵپشتی ماسولکەکانت، هۆکارێکی سەرەکییە بۆ ئەوەی زۆربەی خەڵک بە خێرایی ماسولکەکانیان لەدەست بدەن سەرەڕای دابەزاندنی کێش و چێژوەرگرتن لە جەستەیەکی نمونەیی.
راهێنانی کێش یەکێکە لە گرنگترین جۆرەکانی راهێنان کە هێزی ماسولکەکانت و بارستەی ماسولکەکانت لە لەدەستدان دەپارێزێت.