بانکی ناوەندی خستنەڕووی ئەمڕۆی دۆلاری بڵاوکردەوە و رایگەیاندووە، ئەمڕۆ زیاتر لە ٢٧٨ ملیۆن دۆلاری خستووەتەڕوو.
بانکی ناوەندی عێراق لە راگەیاندراوێکدا بڵاویکردووەتەوە، لە خستنەڕوی ئەمڕۆدا ٢٧٨ ملیۆن و ٩٨ هەزار و ٥٤٠ دۆلاری، بە نرخی فەرمی بانکی ناوەندی خستووەتەڕوو.
ئاماژەی
بەوەش کردووە، رێژەی خستنەڕووی دۆلار بەشێوەی حەواڵە ٢٦١ ملیۆن و ٥٧٨ هەزار و ٥٤٠
دۆلار بووە و رێژەی خستنەڕووی کاشیش ١٦ ملیۆن و ٥٢٠ هەزار دۆلار بووە.
دوێنێش
بانکی ناوەندی عێراق رایگەیاند، لەماوەی دوو هەفتەی رابردوودا بە هەردوو شێوەی کاش
و حەواڵە نزیکی سێ ملیار دۆلار فرۆشراوە و لەو رێژەیەش ٩٦٪ بەشێوەی حەواڵەدەرەکی
بووە. ئەوەش یەکەم جارە بانکی ناوەندی لە دوو هەفتەدا نزیکی سێ ملیار دۆلار بفرۆشێت.
ئەوەش لە
کاتێکدایە، ئەندامێکی بەشداربووی کۆبوونەوەکەی بانکی ناوەندیی عێراق و جەی پی مۆرگان
بە دیجیتاڵ میدیای ئێن ئاڕ تی راگەیاند، لەگەڵ وەزارەتی گەنجینەی ئەمریکا لەسەر هەڵگرتنی
سزای سەر پێنج بانکی عێراق گەیشتوونەتە رێککەوتن و دەتوانن لەمەودوا مامەڵەی حەواڵەی
دەرەکی بۆ بازرگانانی ناوخۆیی و دەرەکی ئەنجام بدەن. وتیشی، "ئەو پێنج بانکە
بەشێوەیەکی راستەوخۆ دۆلار بۆ مامەڵە داراییەکانی پەیوەست بە دۆلاری حەواڵە ئەنجامدەدەن
بەوەش ئاستی فرۆش زیاتر دەبێت".