بە پشتبەستن بە داتاکانی کۆمپانیای هەناردەی نەوتی عێراق 'سۆمۆ'؛ داهاتی ١١ مانگی رابردووی ئەمساڵ بەمجۆرە بووە:

مانگی کانوونی دووەم؛ داهاتی نەوتی هەناردەکراوی عێراق بەگوێرەی داتاکانی وەزارەتی نەوت و دارایی عێراق، بەهای حەوت ملیار و ٦٦٣ ملیۆن و ٧٨٨ هەزار دۆلار بووە.

مانگی شوبات؛ داهاتی نەوتی، بەهای حەوت ملیار و ٦٢ ملیۆن و ٧٠٤ هەزار دۆلار بووە.

مانگی ئازار؛ داهاتی نەوتی، بەهای حەوت ملیار و ٥٠٦ ملیۆن و ٤٠١ هەزار دۆلار بووە.

مانگی نیسان؛ داهاتی نەوتی، بەهای حەوت ملیار ٦٩٩ ملیۆن و ٢٧٢ هەزار دۆلار بووە.

مانگی ئایار؛ داهاتی نەوتی ، بەهای حەوت ملیار و ٣٢٤ ملیۆن و ٦٤١ هەزار دۆلار بووە.

مانگی حوزەیران؛ داهاتی نەوتی، بەهای حەوت ملیار و ١٧٩ ملیۆن و ٧٦٠ هەزار دۆلار بووە.

مانگی تەموز؛ داهاتی نەوتی، هەشت ملیار و ٣٣٠ ملیۆن و٤٧٥ هەزار دۆلار بووە.

مانگی ئاب؛ داهاتی نەوتی، هەشت ملیار و ٩٩٧ ملیۆن و٧٥١ هەزار دۆلار بووە.

مانگی ئەیلول؛ داهاتی نەوتی، نۆ ملیار و ٤٢٢ ملیۆن و ٤١٠ هەزار دۆلار بووە.

مانگی تشرینی یەکەم؛ داهاتی نەوتی، ٩ ملیار و ٦٦٩ ملیۆن دۆلار بووە.

مانگی تشرینی دووەم؛ داهاتی نەوتی، هەشت ملیار و ٥١٢ ملیۆن دۆلار بووە.

بە گوێرەی ئامارەکانی وەزارەتی دارایی عێراق؛

لە ماوەی نۆ مانگی سەرەتای ئەمساڵدا، داهاتی عێراق ٩٥ ترلیۆن و ٨٤٨ ملیار و ١٨٥ ملیۆن و ٦٢٤ هەزار دینار بووە کە ٢٣ ترلیۆن و ٣٥٠ ملیار دینار جیاوازی لەنێوان داهات و خەرجی لە عێراق هەبووە.

بەپێی ئامارەکانی کۆمپانیای سۆمۆ لە رۆژی ١/١ تا ٣٠/١١ عێراق زیاتر لە یەک ملیار و ١٠٨ ملیۆن و ٣٥٧ هەزار و ٤١١ بەرمیل نەوتی فرۆشتووە کە نرخی هەر بەرمیلێک بە تێکڕا ٧٩ دۆلار و ٨٢ سەنت بووە.

کۆی داهاتی نەوتی عێراق لە ماوەی ١١ مانگی رابردوودا، زیاتر لە ٨٩ ملیار و ٣٦٨ ملیۆن و ٣٠٢ هەزار دۆلار بووە کە بەتێکڕا ٩٥٪ ـی کۆی گشتی داهاتی عێراق پێکدەهێنێت بۆ ساڵی ٢٠٢٣ و داهاتی نانەوتیش تەنها ٥٪ ـی داهات پێکدەهێنێت.

ئەمەش لە کاتێکدایە، لەماوەی رابردوودا دەزگای هەڵسەنگاندنی ئابووری و قەرزی جیهانی 'موودز' لە راگەیەندراوێکدا بڵاویکردەوە، عێراق پشکێکی زۆری داهاتەکەی لەسەر نەوتە و توانیویەتی ٩٠٪ داهاتەکەی بەسەقامگیری بهێڵێتەوە و ئاسۆیەکی جڵەوگیریشی بۆ داهاتووی ئابووری خۆی دروستکردووە.