PM:07:01:14/09/2023
6548 جار خوێندراوەتەوە
سەرۆکی جوڵانەوەی نەوەی نوێ بە سەردانێک لە ئەمریکایە و لەگەڵ کۆمەڵێک بەرپرسی وەزارەتی دەرەوەی ئەو وڵاتەدا لەبارەی دۆخی هەرێمەوە کۆبووەوە.
رۆژی پێنجشەممە، شاسوار عەبدولواحید سەرۆکی جوڵانەوەی نەوەی نوێ لە واشنتۆن سەردانی وەزارەتی دەرەوەی ئەمرکای کرد و ڤیکتۆریا تایلەر، جێگری یاریدەدەری وەزیری دەرەوە ئەمریکا و بەرپرسی نوسینگەی عێراق - ئێران لە وەزارەتی دەرەوەی ئەمریکا پێشوازی لێ کرد.
هەروەها
دواتر هەر لەناو باڵەخانەی وەزارەتی دەرەوەدا لەگەڵ هەریەک لە کارین برۆنسۆن بەرێوەبەری
ئۆفیسی کاروباری رۆژهەڵاتی ناوەڕاست لە وەزارەتی دەرەوەی ئەمریکا و ستیڤن بیتنەر بەرپرسی دێسکی عێراق و هەرێمی کوردستان لە وەزارەتی دەرەوەی ئەمریکا و
چەند بەرپرسێکی دیکەی ئەو وڵاتەدا کۆبووەوە و تاوتوێی دۆخی هەرێم و
عێراقیان کرد.
جگە لەو دیدارە
، شاسوار عەبدولواحید سەردانی کۆنگرێسی ئەمریکا کرد و لەلایەن سێث مۆڵتۆن سەرۆکی لیژنەی
دۆستایەتی عێراقی - ئەمریکی لە کۆنگرێسی ئەمریکا و ئەندامی کۆنگرێسی ئەمریکا پێشوازی
لێ کرا.
لە ١١ـی ئەیلول
شاسوار عەبدولواحید سەرۆکی جوڵانەوەی نەوەی نوێ بە سەردانێک گەیشتە ئەمریکا
و رایگەیاند، وەک جوڵانەوەی نەوەی نوێ هەمیشە بەردەوام دەبن لە هەوڵەکانیان لە بەغداد
بۆدەستەبەرکردنی موچەی فەرمانبەرانی هەرێم.
