وەزارەتی نەوتی عێراق رایگەیاند، لە مانگی ئایار بڕی ١٠٢ ملیۆن و ٤٦٣ ھەزار و ٣٨٧ بەرمیل نەوت بە بەهای زیاتر لە حەوت ملیار دۆلار فرۆشراوە.
وەزارەتی نەوتی عێراق بەپشت بەستن بە ئامارێکی کۆمپانیای بەبازاڕکردنی نەوتی عێراق (SOMO) راگەیەنراوێکی بڵاوکردەوە و تیایدا هاتووە، بڕی ئەو نەوتەی کە لە مانگی ئایاردا ھەناردەکراو، ١٠٢ ملیۆن و ٤٦٣ ھەزار و ٣٨٧ بەرمیل بووە.
ئاماژەی
بەوەشکردووە، بەهای نەوتی فرۆشراوە بریتیبووە حەوت ملیار و ٣٠٦ ملیۆن دۆلار.
باسی
لەوەشکردووە، بڕی ١٠٢ ملیۆن و ٢٠٦ ھەزار و ٤١٣ بەرمیل نەوت لە کێڵگە نەوتییەکانی
ناوەڕاست و باشوری عێراقەوە ھەناردەکراوە.
دەشڵێت،
لە مانگی ئایاردا، رۆژانە تێکڕا سێ ملیۆن و ٣٠٥ ھەزار بەرمیل نەوت ھەناردەکراوە.
راگەیەندراوەکە
ئەوەشی ئاشکرا کردووە، لە مانگی ئایاردا، یەک بەرمیل نەوت تێکڕا بە ٧١ دۆلار و ٣٠ سەنت فرۆشراوە.
ئەمە لەکاتێکدایە، داھاتی
عێراق لە فرۆشتنی نەوت لە مانگی نیساندا، حەوت ملیار و ٧٩٩ ملیۆن دۆلار بووە، بەمەش بەراورد بە مانگی نیسان بە بەهای ٤٩٣ ملیۆن دۆلار داهاتی فرۆشتنی نەوت کەمی کردووە.
کـ - ئـ