کاتژمێر ٨ و ٣٠ خولەکی بەیانی کە هێشتا بەشێک لە هاوڵاتیان نەچوبونە سەر ئەرک و کاری خۆیان، رووداوی تەقەکردن لە راگری کۆلێژی یاسای زانکۆی سەڵاحەدین میدیا و تۆڕە کۆمەڵایەتیەکانی هەژاند.
دوای کەمتر لە کاتژمێرێکیش تەرمی مامۆستایەکی دیکەی هەمان زانکۆ لە ماڵەکەی خۆیدا دۆزرایەوە و ئاشکرابوو هەردوو رووداوەکە پەیوەندیان بەیەکەوە هەیە و تۆمەتبارەکەش پێشتر خوێندکاری زانکۆ بووە و فەسڵ کراوە.
کێشەکە لەو کاتەوە سەری هەڵداوە خوێندکارەکە لە زانکۆی سۆران کاتی قۆپیەکردن
لەگەڵ مامۆستا نیشتیمان دەبێت بە کێشەی و دواتر کێشەکە سەردەکێشێت بۆ دادگا و خوێندکارەکەش
دەگیرێت و دواتر بە کەفالەت ئازاد دەکرێت.
دواتریش، تۆمەتبارەکە هەوڵی گواستنەوەی لە زانکۆی سۆرانەوە بۆ زانکۆی سەڵاحەدین
دەدات بەڵام بەهۆی رێنماییەکانەوە کاوان ئیسماعیل راگری کۆلێژەکە رەزامەندی نادات
و بەوهۆیەوە خویندکارەکە لەگەڵی دەبێتە کێشە.
هاوکات ٢٨ی ئەم مانگە واتە ئەمڕۆ رۆژی دادگاییکردنی بوو بەڵام وەک شایەتحاڵەکان
دەڵێن تۆمەتبارەکە دەچێتە بەردەم کۆلێژی یاسا و کاتی هاتنی دکتۆر کاوان بۆ دەوام تەقەی
لێدەکات و پێنج گولـلەی پێوەدەنێت کە یەکێکیان بەر سەری دەکەوێت و هاوکات پاسەوانێکش
برینداردەبێت و دوای ئەوەش تۆمەتبارەکە دەچێتە سەر ماڵی مامۆستا نیشتیمان و تەقە لە
ئیدریس حەمەخانی هاوسەری دەکات و دەیکوژێت کە مامۆستای کۆلێژی ئەندازیاری زانکۆی سەڵاحەدینە
و دکتۆر کاوانیش لە نەخۆشخانە گیانیلەدەستدا.
تەرمی دکتۆر کاوان لە هەولێر و تەرمیئیدریس حەمەخانیش لە سلێمانی بەخاک سپێردران
هەرچەندە دەزگا ئەمنیەکان دەڵێن تۆمەتبارەکە دەستگیرکراوە بەڵام بەپێی
زانیارییەکان تۆمەتبارەکە کوڕی بەرپرسێکی سەربازی باڵای پارتییە و لە ماوەی ٢٤
کاتژمێری رابردووشدا لە هەرێم چوار کەس کوژراون کە بکوژەکان کوڕ و خزمی بەرپرسانی
باڵای حزبین.