چاڤیلاند بەڕووی گەشتیاران و سەردانیکەراندا کراوەیە
چاڤیلاند بەڕووی گەشتیاراندا کراوەیە و بەردەوامە لە پێشوازیکردنی سەردانیکەران لە تەواوی عێراق و هەرێمی کوردستان.
وەزارەتی بازرگانی هەرێم دەڵێت، بەم نزیکانە بڕە پارەیەک وەک بەشی یەکەمی شایستە داراییەکانی ئەمساڵی جوتیاران دابەش دەکرێت.
حەج و عومرەی هەرێم دەڵێت، ئەو چەند کەسەی لە سعودیە دەستگیرکراون بە تۆمەتی بردنی ماددەی هۆشبەر، هاوڵاتی و عومرەکاری هەرێم نین و خەڵکی پارێزگاکانی دیکەی عیراقن. دەشڵێت، "ماوەی سێ ساڵە لەسەر یەک لە سعودیە خەڵاتی باشترین شاندی حاجیانیان دراوە بە وڵاتی عێراق و هەرێم".
جارێکی تر مامۆستایانی وانەبێژی لادراو لەبەردەم بینای ئەنجومەنی وەزیران گردبوونەوە و دەڵێن، چەنجارێکە خۆپیشاندان دەکەن و داواکارییەکانیان جێبەجێ ناکرێت، پەرلەمانتارێکی نەوەی نوێش دەڵێت، وەک نەوەی نوێ لەگەڵ داواکارییەکانی وانەبێژانی لادراون.
وەزیری سامانە سروشتییەکانی هەرێم دەڵێت، بەم نزیکانە کێشە و ئاستەنگەکانی بەردەم هەناردەکردنەوەی نەوتی هەرێم چارەسەردەکرێت.
ئەندامێکی لیژنەی نەوت و غازى پەرلەمانى عێراق دەڵێت، تا ساڵی ٢٠٢٨ عێراق کۆتایی بە هاوردەکردنی غاز دەهێنێت و لەماوەی پێنج ساڵی داهاتووشدا دەگاتە ئاستی خۆبژێوی لە بەرهەمهێنانی غاز.
بازرگانی عێراق دەڵێت، کەشتییەکی گەورە زە زیاتر لە ٥٧٠ هەزار تۆن برنجی بەشەخۆراکی مانگانەوە گەیشتە عێراق.
پۆلیسی هەڵەبجە دەڵێت، گەنجێکی تەمەن ١٧ ساڵ بە تۆمەتی دزینی دوو ماتۆڕسکیل دەستگیرکرا.
هاتووچۆی دهۆک دەڵێت، لە سنووری پارێزگاکە ١٦ کامێرای تیژڕەوی کەوتنە کار و لەمڕۆوە سەرپێچی تۆمار دەکەن.
وەزارەتى پەروەردەى هەرێم ساڵنامەى خوێندنى ساڵى ٢٠٢٥ - ٢٠٢٦ـی بڵاوکردەوە و دەڵێت، ٢١ـی ئەم مانگە دەستپێکی یەکەم رۆژی دەوامە، هەروەها سەرجەم وادەی پشووەکانی خستەڕوو.
کەشناسی هەرێم دەڵیت، پلەی گەرما جێگیرە و لە فێنکترین ناوچەکانی هەرێم دەگاتە ٢٤ پلەی سیلیزی و لە گەرمترین ناوچەکانیش ٤١ پلەیە.
ئەندامێکی لیژنەی دارایی پەرلەمانی عێراق دەڵێت، هەرێمی کوردستان تا ئێستا نەوت و داهاتەکانی دیکەی رادەستی حکومەتی فیدراڵی نەکردووە و پرسی مووچەى تێکەڵی بابەتی هەڵبژاردن دەکات.
کۆمیسیۆن دەڵێت، بانگەشەی پێشوەختە قەدەغەیە و سزای ئەو کەسانە دەدرێت کە پێش وادەی دیاریکراو پۆستەر و فلێکس لە شوێنە گشتییەکاندا دادەنێت.
بە گوێرەی میدیای پارتی، شاندێکی حکومەتی ماوەبەسەرچوو و حکومەتی عێراق بە ئۆنلاین کۆبوونەوە و پرسی هەناردەکردنەوەی نەوت و زیادکردنی ئاستی بەرهەمهێنانی نەوتی هەرێمیان تاوتوێ کرد.
پۆلیسی سلێمانی دەڵێت، لە سنووری چەمچەماڵ دوو کەس بە تۆمەتی دزینی ١٢٦ ملیۆن دینار و ٦٠ مسقاڵ ئاڵتوون دەستگیرکران.
هەر ئۆنسەیەک زێڕ لە بازاڕەکانی جیهاندا بە سێ هەزار و ٦٤٥ دۆلار مامەڵەی پێوەدەکرێت، نرخی مسقاڵێک زێڕی عەیارە ٢١یـش بە ٧٣٤ هەزار دینارە.
گۆڕانی وەرز كاریگەری لەسەر تەندروستی پێست و قژ دروست دەکات، وەک زیاتر هەڵوەرینی قژ و هەستیار بوونی پێست، ئەمەش دیاردەیەکی ئاساییە و بە قژ هەڵوەرینی وەرزی ناسراوە.
لە بازاڕەکانی جیهاندا نرخی خاوی برێنت بە ٦٧ دۆلار و ٣٣ سەنت مامەڵەی پێوەکرا و بەراورد بە دوێنێ نرخەکەی یەک دۆلار بەرزبووەوە.
وتەبێژی وەزارەتی دەرەوەی قەتەر دەڵێت، سبەی دووشەممە لوتکەی وڵاتانی عەرەبی و ئیسلامی لە دەوحەی پایتەختی قەتەر بەڕێوەدەچێت.
بڕیارە رۆژی سێشەممە ئەنجومەنی دەوڵەت و ئەنجومەنی وەزیرانی عێراق بە جیا لەسەر پرسی داهاتی نانەوتی هەرێم کۆببنەوە، هاوکات شاندێکی تری حکومەتی ماوەبەسەرچوو بۆ پرسی نەوت دەچێتەوە بەغدا.
وەزارەتی بازرگانی عێراق دەڵێت، بڕی ٥٠٠ ملیار دیناریان تەرخان کردووە بۆ پاڵپشتی جوتیاران لە سەرتاسەری پارێزگاکانی عێراق.
كۆمسیۆنی عێراق، ژمارە و داتای كۆتایی هەڵبژاردنی ئەمجارەی پەرلەمانی عێراقی پەسند كرد بۆ دەنگدانی گشتی، تایبەت و ئاوارەكان، كە ژمارەی بەشداربووان ٢١ ملیۆن و ٤٠٤ هەزار و ٢٩١ دەنگدەر مافی بەشداریكردنیان هەیە.
ئاوی گەڕەکی خاک لە سلێمانی لەبەر بۆن نەوت بەکارناهێندرێت و "دانیشتووانی گەڕەکەکە دەڵێن ناتوانین نە بۆخواردنەوە و نە بۆ کاری ئاسایی رۆژانە بەکاری بهێنین".
سەرۆک وەزیرانی عێراق سەرپەرشتی رێورەسمی واژۆکردنی ژمارەیەك پرۆژەی سەرەكی كرد، لە چوارچێوەی پڕۆژەی گەشەپێدانی غازی تەواوكاری (GGIP) لە کێڵگەی ئارتاوی لە پارێزگای بەسرە، کە بریتییە لە بەرهەمهێنانی نەوت و غازو وزەی پاک، كە گرێبەستەكان لەگەڵ ژمارەیەك كۆمپانیایی فەڕەنسا، قەتەر، چینی و كۆری ئەنجامدراون.
بەڕێوەبەری گشتی لە وەزارەتی گواستنەوەی عێراق دەڵێت، سبەینێ لوتکەی ئەنجومەن بۆ پرۆژەی رێگەی گەشەپێدان لە بەغدا کۆبوونەوەی چوارقۆڵی دەکەن.
ئێوارەی ئەمڕۆ دوو تەرم، کە یەکێکیان لە ناو ئۆتۆمبێل لە نزیک توونێلی پێشڕەو و یەكێکیش بە هەڵواسراوی لە پاركی هەواری شار دۆزرانەوە.
سبەی دووشەممە لە شاری دهۆک ١٨ـەیەمین فیستیڤاڵی ترێ و هەنگوین بە بەشداری ٥٠ جوتیار بەڕێوەدەچێت.
وەزارەتی تەندروستی عێراق واژۆکردنی گرێبەستی دروستکردنی نەخۆشخانەیەکی ١٠٠ قەرەوێڵەیی لە ناوچەی عەباسی سەر بە پارێزگای کەرکوک راگەیاند.
وەزیری ئاوەدانکردنەوەی هەرێم لەبارەی مووچەوە دەڵێت، "گەشبینین بە چارەسەرکردنی کێشەی مووچەی مووچەخۆرانی هەرێم".
هاتووچۆی هەولێر بڕیار دەدات بەجیاكردنەوەی پشكنینی ئۆتۆمبێلی بەكارنەهاتوو (ژمارە كاتی، سفر كیلۆمەتر)ـی هاوڵاتیان لە كۆمپانیاكان و چەند بنكەیەكی پشكنینیش بۆ ئەو مەبەستە تەرخان دەكات.