چەند مووشەکێک لە کەرکوک کەوتنەخوارەوە
سه‌رۆكی ئه‌مریكا، ژماره‌یه‌ك فه‌رمانی جێبه‌جێكردنی واژۆكرد، كه كۆتاییان به به‌رنامه‌ی سزاكانی سه‌ر سوریا هێنا بۆ پاڵپشتیكردنی رێبازی ئه‌و وڵاته به‌ره‌و سه‌قامگیری و ئاشتی.
دەستەى دەستپاکى عێراق دەڵێت، بڕیارى دەستگیرکردن بۆ شەش فەرمانبەرى بەڕێوەبەرایەتیی شارەوانیى سەماوە لە پارێزگاى موسەننا دەرچووە، بە تۆمەتى بردنى ٣٦ ملیار دینار.
کەمێک پێش ئێستا لە سنووری کەرکوک چەند دەنگێکی بەهێز بیستران و ئیدارەی فڕۆکەخانەی کەرکوکیش دەڵێت، سێ مووشەک کە سەرچاوەکەیان نادیارە لەناو فڕۆکەخانە کەوتنە خوارەوە و دوو لە مووشەکاکان لە بەشی سەربازی و ئەوەی دیکەشیان لە بەشی مەدەنی لە فڕۆکەخانەکە کەوتوونەتە خوارەوە و بەهۆیەوە کەسێک برینداربووە.
هاتووچۆی سلێمانی دەڵێت، لە رووداوێكی هاتووچۆدا لە شەقامی بازنەیی مەلیك مەحمود لە سلێمانی دوو كەس برینداربوون.
بە گوێرەی زانیارییەکانی پەیامنێری ئێن ئاڕ تی، شاندی هەرێم و بەغدا رەشنوسێکیان بۆ هەناردەی نەوت خستووەتە روو و چاوەڕوان دەکرێت ئەنجومەنی وەزیرانی عێراق قسەی لەسەر بکات و گەر پەسەندبکرێت، سبەینێ و دوو سبەی یەکلاکەرەوە دەبێت بۆ خەرجکردنی مووچەی مانگی پێنج.
کاردانەوەکانی هێرشکردنە سەر سیپان ئامێدیی، پەرلەمانتاری نەوەی نوێ لەلایەن هێزێکی پارتییەوە و رفاندن و ئەشکەنجەدانی بەردەوامە. هەریەکە لە ئینیستیتیوتی مافە نێودەوڵەتیەکان بۆ مافەکانی مرۆڤ و دەستەی سەربەخۆی مافەکانی مرۆڤ و تۆڕی هاوپەیمانیی ١٩ سەرکۆنەی هێرشەکەیان کرد و دەڵێن، پێشێلکردنی یاسایە.
بەڕێوەبەرایەتیی بازرگانی کەلوپەلی خۆراکی هەولێر دەڵێت، له سبه‌ینێوه بەشە خۆراکێکی نوێ دابەشدەکرێت، كه بەشی چوارەمی بەشە خۆراکی ئه‌مساڵه.
شەپۆلێکی چڕی خۆڵبارین زۆرینەی ناوچە جیاوازەکانی هەرێمی گرتووەتەوە و مەودای بینینی بۆ پێنج بۆ حەوت کیلۆمەتر کەمکردووەتەوە و کەشناسیی هەرێمیش وتی، شەپۆلەکە تاکوو نیوەڕۆی سبەی بەردەوام دەبێت و پلەکانی گەرماش دادەبەزن.
بوکەڵەیەک خستیە ریزبەندیی دەوڵەمەندەکانی جیهانەوە، وانگ نینگ خاوەنی ئەو کۆمپانیایەی بوکەڵەی لابووبووی دروست کرد و بوکەڵەکە کردی بە یەکێک لە دەوڵەمەندەکانی جیهان.
هاتووچۆی گەرمیان دەڵێت، لەناو شاری کفری بەهۆی رووداوێکی هاتووچۆوە کەسێک گیانی لەدەستدا و لێکۆڵینەوە لە رووداوەکە دەستیپێکردووە.
بوومەلەرزەیەک لەسەر سنووری عێراق لەگەڵ توركیا و ئێران روویداوه، له‌لایه‌ن خه‌ڵكی ئیداره‌ی سه‌ربه‌خۆی سۆرانیشه‌وه له‌سنووری هه‌ولێر هه‌ستی پێكراوه. کەشناسی و بومەلەرزەزانی هەرێمیش دەڵێت، چه‌قی بومه‌له‌رزه‌كه له‌سنووری ئیداره‌ی سه‌ربه‌خۆی سۆران ٤.٣ پله به‌پێوه‌ری رێخته‌ر و به قوڵایی پێنج كیلۆمه‌تر له‌سه‌ر ئاستی رووی ده‌ریا بووه.
جێگری سەرۆکی حکومەتی ماوەبەسەرچووی هەرێم دەڵێت، گفتووگۆکانی نێوان عێراق و هەرێم بە شێوەیەکی ئەرێنی بەڕێوە چووە. وتیشی، هەموو کارێک دەکەن بۆ چارەسەرکردنی کێشەی مووچە.
خوێندنی باڵا و توێژینەوەی زانستیی عێراق، دەستپێکردنی تاقیکردنەوەی کێبڕکێی بۆ وەرگرتن لە خوێندنی باڵا (دبلۆمی باڵا، ماستەر، دکتۆرا) لە سەرجەم زانکۆ حکومییەکان راگەیاند و دەڵێت، ئەنجامەکان لە سەرەتای مانگی تەمموزدا رادەگەیەنرێن.
بەهۆی سیستمی ئەلیكترۆنی بەشەخۆراكی هاوڵاتیانەوە، كە پێویستی بە كارتی نیشتمانییە، فەرمانگەكانی كارتی نیشتمانی قەرەباڵغییەكی زۆریان لەسەر و بەڕێوەبەرایەتیی رەگەزنامە و باری شارستانی هەولێریش دەڵێت، پێویستە نۆرەی ئەلیكترۆنی بە ئۆنلاین بگرن.
فراکسیۆنی یەکگرتوو لە پەرلەمانی کوردستان دەڵێت، سبەینێ پشووی پەرلەمان دەستپێدەکات و وەرزی یاسادانان کۆتای دێت بەبێ ئەوەی پەرلەمان کاراکرابێت و دەستەی سەرۆکایەتی هەڵبژێردرابێت. دەشڵێت، لە هەموو شتێک گرنگتر بۆ هەرێم هەبوونی پەرلەمانە.
سەرۆکی حکوومەتی ماوەبەسەرچوو دەڵێت، گرنگە رێز لە قەوارەی دەستووریی هەرێمی کوردستان بگیرێت و شایستەکانی بۆ دابین بکرێت.
بەپێچەوانەی مووچەخۆرانی هەرێم، كە تا ئێستا مووچەی دوو مانگی رابردوویان وەرنەگرتووە، لەبەغدا دابەشکردنی مووچەی مانگی حەوتی خانەنشینان دەستپێدەکات.
سەرۆکایەتی کۆماری عێراق مەرسومی دەستبەکاربوونی بۆ دادوەر مونزر ئیبراهیم، سەرۆکی نوێی دادگای فیدراڵی عێراق دەرکرد.
کۆمەڵەی کوردی بەریتانیا پلاتفۆڕمی بازرگانی یەکەمین کۆنفرانسی بازرگانی لە نێوان بازرگانانی کورد و بەریتانی بەئامادەبوونی حکومەتی بەریتانیا سازکرد (پەڕینەوە لە سنورەکان و خۆڵقاندنی دەرفەتەکان).
سەرۆکی فراکسیۆنی یەکێتی لە عێراق دەڵێت، گفتوگۆی شاندی نێوان عێراق و هەرێم له‌چه‌ند رۆژی رابردوودا له‌سه‌ر لەسەر پشکی کۆمپانیا نەوتییەکان و داهاتی نانەوتی و هەناردەکردنەوەی نەوت بووە و هه‌نگاوی باشیشی بڕ‌یوه.
بەڕێوەبەرایەتی گشتی بانکە بازرگانییەکان دەڵێت، بەهۆی پشووی بانكی، سبەی دەرگای بانكەكان دادەخرێن و مامەڵەی هاوڵاتییان وەرناگیرێت.
وته‌بێژی كۆمسیۆنی هه‌ڵبژاردنه‌كانی عێراق دەڵێت، دەستیانکردووە بە پێكهێنانی لیژنه ناوه‌ندی و لاوه‌كییه‌كان بۆ چاودێریكردنی بانگه‌شه‌ی هه‌ڵبژاردن له فه‌رمانگه‌كانی پارێزگاكان. دەشڵێت، راگه‌یاندنی پێشوه‌خته پێشێلكارییه‌كی روونی یاساكانی بانگه‌شه‌ی هه‌ڵبژاردنه‌كانه، هه‌ر كاندید و لیستێكیش پێشێلی بكات، رێكاری یاسایی به‌رامبه‌ر ده‌گیرێته‌به‌ر.
پەیامنێری ئێن ئاڕ تی دەڵێت، لە گەڕەکی کەلاری کۆن دوو ئۆتۆمبێل سوتاون، وتەبێژی بەرگری شارستانی گەرمیانیش بە ئێن ئاڕ تی وت، تا ئێستا هۆکاری سوتانی دوو ئۆتۆمبێلەکە نەزانراوە.
رێکخەری راسپاردە نێودەوڵەتییەکانی هەرێم دەڵێت، "گفتوگۆمان لەگەڵ وەزارەتی پەروەردە کردووە بۆ ئەوەی پرسی هەڕەشەی ماددەی هۆشبەر بکرێت بە بابەتێکی خوێندن لە ناوەندەکانی پەروەردەدا".
یەکێتی هاوردە و ناردنکارانی هەرێم دەڵێت، ئەوانەی مامەڵەی ماستەرکارتی لیمیت بەرزیان کردووە، ئاگاداری مۆبایلەکانتان بن، چونکە بەشی یەکەمی کارتەکان تەواو بووە و پەیوەندیتان پێوەدەکرێت.
وتەبێژی سەرۆکایەتیی روسیا دەڵێت، بەمزوانە کاتێک بۆ گەڕی سێیەمی دانوستانەکانیان لەگەڵ ئۆکرانیا دادەنێن و سەرۆکی ئۆکرانیاش وتی، گرنگە سزا جیهانییەکانی سەر روسیا بەردەوامبن.
سەرۆک وەزیرانی عێراق ٢٢ نەخۆشخانەی تەندروستی تایبەت بە منداڵان لە بەغدا و پارێزگاکان کردەوە و پێشتریش وەزیری تەندروستی عێراق وتی، ١٦ نەخۆشخانەی ١٠٠ قەرەوێڵەی لە ناوچە جیاوازەکانی بەغدا و پارێزگاکان دروست دەکرێن.
بەڕێوەبەرایەتی پۆلیسی سلێمانی دەڵێت، هاوڵاتییەك كە رەگەزی نێرە، لە شەقامی گشتی بەردەم پارێزگای سلێمانی ئۆتۆمبێل لێی داوە، چەند رۆژێكە تەرمەكەی لە پەیمانگای پزیشكی دادی سلێمانییە و داوا لەكەسوكاری یان هەرهاوڵاتییەك دەكەن كە دەیناسێت یان زانیاری هەیە لەسەری پەیوەندی بكات بە بنكەی پۆلیسی سەرچنارەوە.
وەزارەتی بازرگانیی عێراق دەڵێت، لە رێگەی ئەپڵیکەیشنی کارتی بەشەخۆراکی ئەلیکترۆنی زیاتر لە ٣٣ ملیۆن هاوڵاتی فۆڕمەکەیان پڕکردووەتەوە.
دوای بەرزبوونەوەی بەهای دۆلار بەهۆی هێرشەکانی نێوان ئیسرائیل و ئێرانەوە، ئەمڕۆ لە بازاڕەکانی هەرێم ١٠٠ دۆلار بەرامبەر بە ١٤١ هەزار و ٤٠٠ دینار مامەڵەی پێوەدەکرێت.