نوێترین بڕیاری سودانی سه‌باره‌ت به ناردنی مووچه بۆ هه‌رێم
سه‌رۆك وه‌زیرانی عێراق بڕیاریدا هه‌فته‌یه‌ك مۆڵەت بداتە لیژنەکان و پێویستە لەو ماوەیەدا هەموو ئامادەکارییەک بۆ هەناردەکردنەوەی نەوتی هەرێم بکەن و ئەگەر هەرێم نەوت و داهات رادەستبکات، بڕیار لەسەر خەرجکردنی مووچە دەدرێت و بەپێی زانیارییەکانیش هەرێم توانای بەرهەمهێنانی ٢٨٠ هەزار بەرمیلی هەیە و تا ئێستاش هەرێم ئامادەنییە یەک بەرمیل بدەنە سۆمۆ.
وەزارەتی کار و کاروباری کۆمەڵایەتی دەڵێت، حکومەت بڕیاری دا کەمترین کرێی کرێکاری ناکارامە لە ٤٥٠ هەزار دینار کەمتر نەبێت و کرێکاری رۆژانەش کرێکەی نابێت لە ١٥ هەزار دینار کەمتر بێت.
كۆمیسیۆنى باڵاى سه‌ربه‌خۆى هه‌ڵبژاردنه‌كانى عێراق وتی، رۆژی یەکشەممە دەنگدانی ئەزموونی بۆ هەڵبژاردنی پەرلەمانى عێراق بەڕێوەدەچێت و ده‌شڵێت، هه‌ڵبژاردنه‌كه زیاتر له هەزار بنكه به‌ڕێوه‌ده‌چێت.
دژی درووستکردنی دۆسیەی نوێ بۆ شێروان شێروانی و درێژکردنەوەی ماوەی زیندانیکردنی ئومێد بەرۆشکی؛ چالاکوانانی حەڤدەی شوبات لەبەردەم نوێنەرایەتی حکومەتی ماوەبەسەرچوو و کونسوڵی عێراق لە بەریتانیا گردبوونەوە
وەزارەتى بازرگانیى عێراق دەڵێت، گەنمى هەڵگیراو لە کۆگاکانی عێراق تاوەکو ساڵى ٢٠٢٧ بەش دەکات.
تیمی پەیوەندییەکانی حکومەتی عێراق دەڵێت، بەبێ بەرامبەر سیستمی بەرهەمهێنانی کارەبا لە رێگەی وزەی خۆرەوە دەدەنە خێزانە کەمدەرامەتەکان.
بەڕێوەبەری ئەوقافی سلێمانی بە ئێن ئاڕ تی راگەیاند، بەهۆی گرفتی کەم ئاوییەوە لە مزگەوتەکان، داوادەکەین هاوڵاتییان لە ماڵەوە دەستنوێژ بگرن.
دوای ئەوەی نووسراوێک بڵاوکرایەوە گوایە چەند شۆفێرێک بە تۆمەتی هەڵگرتنی "قەرەج" سزادراون، هاتووچۆی سلێمانی روونکردنەوە دەدات و دەڵێت، ئەو نووسراوە ساختەیە و هیچ سزایەکمان بەناوی سه‌رخستنی قه‌ره‌ج نییە.
بەڕێوەبەری نەخۆشخانەی هیوا دەڵێت، ئامارەکانی تووشبوون بە شێرپەنجە روویان لە زیادبوونە و بڕی داهاتی سندووقی شێرپەنجە زیاتر لە ٦٠٪ کەمیکردووە، دەشڵێت، بەرپرس نین لەو رێکخراوانەی بە ناوی نەخۆشانی شێرپەنجەوە پارە کۆدەکەنەوە.
راوێژکاری ئەمنی سەرۆک وەزیرانی عێراق دەڵێت، لێكۆڵینەوەكان لەبارەی هێرشە درۆنییەكانی سەر هەرێم بەردەوامن، دوای تەواوبوونیان ئەنجامەکەی بۆ رای گشتی دەخرێتەڕوو.
وەزارەتی پێشمەرگە بڵاویکردەوە، هاوکاری هاوپەیمانان بۆ مانگی حەوت لە رۆژی پێنج شەممە ٧ـی ئاب دابەشدەکرێت.
دوای نزمبوونەوەی بەرچاوی نرخەکەی؛ ئەمڕۆ ١٠٠ دۆلار بە ١٤٠ هەزار و ٥٠ دینار مامەڵەی پێوەکرا.
کەشناسی هەرێم دەڵێت، ئاسمان پەڵەهەور دەبێت و پلەی گەرما نزم دەبێتەوە، لە گەرمیان دەگاتە ٤٦ پلەی سیلیزی، کەشناسی عێراقیش دەڵێت، وردە وردە لە چەند رۆژی داهاتوودا پلەی گەرما لە سەرانسەری وڵاتەکە بەرزدەبێتەوە.
سەرلەبەیانی ئەمڕۆ بومەلەرزەیەک ئێرانی هەژاند، بە گوڕی ٥.٤ پلەی رێختەر لە باشووری رۆژهەڵاتی پارێزگای کرمان تۆمارکراوە.
کۆمیسیۆنی باڵای سەربەخۆی هەڵبژاردنەکان دەڵێت، بەهۆی نەبوونی مەرجەکان و کەم و کوڕی لە پێداویستییەکانی کاندیدبوونیان، ٧٠ کاندید لە لیستی هەڵبژاردنەکاندا دوورخرانەوە.
نیسکافە یەکێکە لە خواردنەوە بەناوبانگەکانی جیهان بەتایبەت لای گەنجان، بەهۆی تام و ئاسانی ئامادەکردنی، هەرچەندە بە سەرچاوەیەکی خێرا بۆ کافاین و وزە دادەنرێت، بەڵام زیادەڕۆیی لە خواردنی دەبێتە هۆی چەندین مەترسی تەندروستی کە نابێت پشتگوێ بخرێن.
بەڕێوەبەرى گشتیی کۆمپانیای سۆمۆ دەڵێت، ئامادەن بۆ وەرگرتنى هەر بڕێک لە نەوتى هەرێم بەڵام تا ئێستا هەرێم هیچ بڕە نەوتێکى رادەست نەکردوون، ئەوەش رەتدەکاتەوە کە نەوتی عێراق بە رێگەی قاچاخ بفرۆشرێت.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٦٨ دۆلار مامەڵەی پێوەدەکرێت، و بەراورد بە دوێنێ نزیکەی ٩ دۆلار بەرزبووەوە؛ نرخی مسقاڵێک زێڕی عەیارە ٢١یـش بە ٦٦٧ هەزار دینارە.
وتەبێژی پۆلیسی هەڵەبجە بە ئێن ئاڕ تی وت، شەوی رابردوو لە رووداوێکی تەقەکردندا دوو کەس کوژران و کەسێکیش بریندار بوو.
دوای ئەوەی ئێران هاوکارییەکانی لەگەڵ ئاژانسی نێودەوڵەتی وزەی ئەتۆم راگرت، ئەمە بووە هۆی بەرزبوونەوەی نرخی نەوت لە بازاڕەکانی جیهاندا، ئەمڕۆ نرخی بەرمیلێک نەوتی خاوی برێنت بە ٦٨ دۆلار و ٦٨ سەنت مامەڵەی پێوەدەکرێت، بەراورد بە دوێنێ کەمێک جێگیرە.
چاوگێک لە کۆمپانیای سۆمۆ بە ئێن ئاڕ تی وت، بەرهەمی رۆژانەی نەوتی هەرێم گەیشتووەتەوە ٢٨٠ هەزار بەرمیلی رۆژانە.
کرێکارێك لە داقوق، سەقفی خانوویەک بەسەریدا رووخا و بەهۆیەوە گیانی لەدەستدا، هاوکات دوو کرێکاری تریش بەهۆی رووداوەکەوە برینداربوون و رەوانەی نەخۆشخانە کراون.
بەرگری شارستانی هەرێم ئاماری خنكان لە رووداوە جیاجیاكانی ناوچەكانی هەرێم بڵاودەكاتەوە و دەڵێت، تەنها ئەمڕۆ ٦ كەس خنكاون.
گرفتی کەمئاوی لە زۆربەی ناوچەکانی هەرێم بەردەوامی هەیە و نەوەی نوێش بەردەوامە لە دابەشکردنی ئاو بەسەر هاوڵاتییاندا و ئەمڕۆش ئاو بەسەر چەند گەڕەکێکی سلێمانیدا دابەش کرا و پەرلەمانتارێکی نەوەی نوێش وتی، ساڵانێکی زۆرە کێشەی بێئاوی هەیە و حکومەتی ماوەبەسەرچوو هیچ پلان و چارەسەرێکی نییە بۆ ئەو گرفتە.
دەزگای ئاسایشی هەرێم، دەستگیركردنی تۆمەتبارێك لە رانیە راگەیاند، كە بەناوی جادووكردنەوە پارەی لەچەندین هاوڵاتی وەرگرتووە و دواتریش هەڕەشەی بڵاوكردنەوەی وێنە و ڤیدیۆی لە چەند ژنێك كردووە.
دژەتیرۆری کوردستان (پارتی) دەڵێت، دەنگی ئەو تەقینەوەیەی لە نزیک فڕۆکەخانەی هەولێر بیسترا چالاکی ئەمنی و سەربازیی بوو.
دوای بڵاوبوونەوەی هەواڵی ئەوەی كە وەزارەتی پەروەردە وادەی دەستپێكردنی ساڵی نوێی خوێندنی دیاریكردووە، وتەبێژی وەزارەتی پەروەردە بە ئێن ئاڕ تی وت، ئەو ھەواڵە دوورە لە راستیەوە وھیچ لێدوانێكی لەوجۆرەم بۆ ھیچ میدیایەك نەداوە و تا ئێستا وادەی دەستپێكردنی ساڵی نوێی خوێندن دیاری نەكراوە.
پەیامنێری ئێن ئاڕ تی دەڵێت، دوو کەس لەکاتی مەلەکردن لە پڕۆژەی پۆندی پریسی سنووری پارێزگای هەڵەبجە خنکان و تا ئێستا تەرمەکەیان نەدۆزراوەتەوە.
دوای بڵاوبوونەوەی هەواڵی کوشتنی هونەر رەشید ئاغا لە ئێن ئاڕ تییەوە، ده‌سته‌ی سه‌ربه‌خۆی مافی مرۆڤ بەبێ بڵاوکردنەوەی هیچ وێنە و ڤیدیۆ یان بەڵگەیەک لەسەر ناوبراو رایگەیاند، هونەر رەشید ئاغا له‌ژیاندایه و له ئێستادا هیچ كێشه‌یه‌كی نیه.
وەزارەتی پێشمەرگە دەڵێت، بڕیاری بەرزکردنەوەی پلەی زیاتر لە ١٢ هەزار پێشمەرگە و پلەداری داوە و دەشڵێت، بڕیارەکە ئەو کارمەندانە دەگرێتەوە کە سەر بە دیوانی وەزارەت و لیواکانی پیادەن و لە چوارچێوەی خشتەی پلەبەرزکردنەوەی نەورۆزی ساڵی ٢٠٢٥ـدا دێت.