PM:04:41:24/12/2023
672 جار خوێندراوەتەوە
+
-
لە خولی ئەستێرەکانی عێراق زاخۆ بە بردنەوەیەک و سکاڵایەک شەش خاڵی
بەدەستهێنا و نەورۆز لە نەفتی بردەوە.
لە یارییەکانی هەفتەی 11ی خولی ئەستێرەکانی عێراق، یانەی زاخۆ لە دەرەوەی
یاریگای خۆی بووە میوانی یانەی کەرخ.
لە تایمی یەکەمدا و لە خولەکی 17 پاتریک مارسیلینیۆ گۆڵێکی بۆ یانەی زاخۆ
تۆمارکرد.
لە تایمی دووەمدا، یاریزانانی هەردوو یانەی چەند هێرشێکیان کردە سەر گۆڵی
یەکتر بەڵام نەیانتوانی گۆڵ تۆمار بکەن و سەرەنجام زاخۆ بە گۆڵێکی بێبەرامبەر یاریەکەی
بردەوە و سێ خاڵی بەدەستهێنا، جگە لەوەش بووە خاوەنی سێ خاڵیتر دوای ئەوەی سکاڵاکەی
کە تۆماریکردبوو لەسەر یاریەکەی شوڕتە قبوڵکرا و ئەو یاریەشی بە سێ گۆڵی
بێبەرامبەر بۆ ئەژمار کرد.
لە یاریەکی تریشدا، یانەی نەورۆز لە یاریگای سلێمانی میوانداری یانەی نەفتی
کرد و بە ئەنجامی سێ گۆڵ بەرامبەر گۆڵێک بردنەوەی بەسەرددا بەدەستهێنا.
بەو ئەنجامانە، نەورۆز خاڵەکانی گەیاندە 18 خاڵ و لە پلەی چوارەمی
ریزبەندیدایە، زاخۆ بە 17 خاڵ چووە پلەی شەشەم.
خ . ک