تەپسی یەکێکە لە
خواردنە بەتامەکان و ئامادەکردنی کەمێک کاتی دەوێت، جگەلەوەش شێوازی ئامادەکردنی جیاوازی
هەیە.
لێرەدا چۆنییەتی ئامادەکردنی
تەپسی بە باینجان دەخەینە ڕوو:
پێداویستییەکانی:
یەك كیلۆ باینجان
نیو كیلۆ گۆشت
دۆشاو
سێ سەلك پیاز
نیو كیلۆ تەماتە
یەک دەسك كەرەوز
دوو بیبەری سەوز
سیر بەپێی ئارەزوو
خوێ
بەهارات
ئامادەکردنەکەی:
سەرەتا باینجانەکان
پاکدەکرێت و قاش قاش دەکرێت و دەخرێتە ناو ئاو و خوێوە بۆ ماوەی نیو کاتژمێر،
دواتر دەشۆرێتەوە ئەمەش بەمەبەستی نەمانی تاڵی باینجان و کەمتر هەڵمژینی ڕۆن.
گۆشتەکە لەگەڵ بڕێک ڕۆن
و پیازدا سوردەکرێتەوە، دواتر کەمێک ئاوی تێدەکرێت و لەکۆتایدا بەشێک لە ئاوەکەی جیادەکرێتەوە.
تەواوی کەرەستەکانی تر
بەشێوەی بازنەی لەت دەکرێت و لەناو ڕۆندا سوردەکرێنەوە، جگە لە تەماتەکە.
کەرەستەکان لەناو تاوەیەکی
قوڵدا چین چین دادەنرێن و تەماتەکەش بەشێوەی قاش قاش دادەنرێت، دواتر گۆشتەکە و سیری
جنراو، کەرەوزی جنراو، بەهاراتەکانی تێدەکرێت، لە قاپێکدا کەمێک خوێ و ئاوی گۆشتەکە
لەگەڵ دۆشاوەکە تێکەڵدەکرێت و دەکرێت بەسەریدا.
دەخرێتە فڕنەوە بۆماوەی
٣٠ خولەک لەناو فڕندا دەبێت تا خەست دەبێتەوە، یاخود دەخرێتە سەر ئاگرێکی هێواش، لەدوای
هەڵچنینی ئاوەکەی و خەستبوونەوەی لەگەڵ برنج و دۆ پێشکەش دەکرێت.