چیرۆکی ئەو نمایشکارەی قۆڵەکانی و قاچێکی نییە

PM:09:31:17/05/2022

3808 جار خوێندراوەتەوە

ڤیکتۆریا خانمە نمایشاکرێکی دیاری ئیکوادۆر، لە منداڵیدا بەهۆی شۆرتی کارەباوە هەردوو قۆڵ و قاچی چەپی بڕاونەتەوە.

رۆژنامەی دەیلی مەیلی بەریتانی چیرۆکی ئەم نمایشکارەی بڵاوکردووەتەوە و ئاماژەی بەوەکردووە، ڤیکتۆریا دینیس سالسیدۆ لە ئیکوادۆر دەژی، کاتێک تەمەنی شەش ساڵ بووە و لەگەڵ هاوڕێکانی لە دەرەوەی ماڵی خۆیان لە ساڵی ٢٠٠١ یاریی کردووە، دەستی بەر وایەرێکی کارەبا کەوتووە، بەهۆیەوە توشی سوتاوی پلە سێ بووە.

لەو رووداوەدا ڤیکتۆریای تەمەن ٢٦ ساڵ هەردوو قۆڵی و چای چەپی لەدەستداوە، لەوبارەیەوە ڤیکتۆریا دەڵێت "لەدەستدانی پەلەکانم سنوریان بۆ دانەناوم، تاقیکردنەوەیەک بووە و تیایدا سەرکەوتووبووم و تێمپەڕاندووە، هێز و توانا و بوێری پێبەخشیووم"، ئەم نمایشکارە ژیانی پێش رووداوەکە لەیاد نییە.

بیاتریس دایکی ڤیکتۆریا وتوویەتی "کاتێک کچەکەم بەبێ پەلەکانی بینیوە، هەرگیز پێشبینیم نەکردووە کە ئەمە کچەکەمە وایلێهاتووە، دڵم ئازاری زۆری هەبوو و چاوەکانم پڕبوون لە فرمێسک، بەڵام ڤیکتۆریا نەرێنیانە لە ژیانی دەڕوانی و توانی بەسەر ئەو گرفتەیدا سەرکەوێت".

ڤیکتۆریا بۆ کارەکانی رۆژانەی پشت بە قاچی راستی دەبەستێت و بە "قاچی جادووی" ناویدەبات، لەهەمان کاتدا بۆ قاچە بڕاوەکەی قاچی دەستکردی بۆ دانراوە، لە تەمەنی ١٧ ساڵیدا بووە بە نمایشکاری جلوبەرگ و لەو کاتەوە بەردەوامە لە سەرکەوتن.

لە هەژماری ئینستاگرامەکەی زیاتر لە ملیۆنێک فۆڵۆوەری هەیە و ژیانی رۆژانەی خۆی بڵاودەکاتەوە، کۆمێنتی نەشیاو و ئەرێنی بۆ دێت و رەخنەی لێدەگرن، بەڵام ڤیکتۆریا رێگە نادات ئەو قسانە کاریگەریی خراپی لەسەر دروست بکەن، پێی وایە "ئەو کەسانەی قسەی خراپی بۆ دەنووسن کەسانێکن ژیانێکی ناخۆش و سەختیان هەیە".