بەشێوەیەکی گشتی لە مانگی رەمەزاندا سیستمی خۆراک گۆڕانکاریی بەسەردا دێت، جەستە زیاتر رووبەرووی وشکبوونەوە دەبێتەوە، ئەمەش کاریگەریی لەسەر پێست دەبێت و رەنگە بریقە و گەشانەوەی لەدەست بدات.

ماڵپەڕی لەیالینای لوبنانی بۆ ئەو مەبەستە پێنج ڕێنمایی خستووەتە روو بۆ پاراستنی پێست لە مانگی رەمەزاندا، ئەوانیش:

یەکەم: شەو و رۆژ پێست شێدار بکەرەوە لە رێگای کرێمی تایبەت، بۆ ئەوەی لە وشکبوونەوە پارێزراو بێت.

دووەم: گرنگی بە خواردنەوەی ئاو و ئەو خۆراکانە بدە کە رێژەی ئاویان زۆرە.

سێیەم: گرنگی بەو خواردنانە بدە کە ڤیتامینی تێدایە، سیستمی خواردنت زۆر سوێر و چەور نەبێت.

چوارەم: بەیانیان و شەوان پێش خەوتن پێست خاوێنبکەرەوە بە پاککەرەوەی تایبەت،لە هەمان کاتداهەفتانە یەک جار تەقشیری بۆ بکە بۆ ئەوەی لە خانە مردووەکان رزگاری بێت.

پێنجەم: راهێنانی وەرزشی لە یاد مەکە، رۆژانە بەلای کەمەوە ٢٠ خولەک وەرزشی سوک بکە، چونکە کاریگەریی لەسەر سوڕی خوێن هەیە و پێست جوانتر دەکات.

ئ.ل