زاناکان پاشماوەی تیمساحێکیان دۆزیەوەتەوە کە تەمەنی بۆ ٩٣ ملیۆن ساڵ دەگەڕێتەوە و لە ٪٣٥ی جەستەی ماوەتەوە و ددانەکانی هیچی لێنەهاتووە، لەکاتی پشکنینیدا بۆیان دەرکەوتووە هێلکە دایناسۆڕێک لەناو سکیدا ماوەتەوە.

ماڵپەڕی "زە میرەر"ـی بەریتانی لە هەواڵێکدا باسی تیمساحێک دەکات کە زاناکان دۆزیویانتەوە، تەمەنی بۆ ٩٣ ملیۆن ساڵ دەگەڕێتەوە و هێلکەی بێچووە دایناسۆڕ لە سکیدا بووە.

لە راپۆرتێکدا هاتووە ئەم تیمساحەکە درێژییەکەی دوو مەتر و نیو بووە و وا لە بڕوادان بەهۆی لافاوەوە گیانی لەدەستدابێت.

هەروەها دەوترێت تیمساحەکە لە %٣٥ جەستەی و ددانە تیژەکانی ماوەتەوە، زاناکان بەهۆی تیشکی X و سکانەری سێ دوورییەوە پشکنینیان بۆ کردووە.

یاریدەدەری سەرنوسەری ئەم توێژینەوەیە بەناوی " جۆسێف بێڤت" رایگەیاند " یەکەمین پشکنین لە ساڵی ٢٠١٥ دا کرا، سەرەتا ئێسکەپەیکەرێکی شیوە مریشکمان دۆزییەوە کە بە قولاپەوە کرابوو، دەستبەجێ بیرمان بۆ دایناسۆڕ رۆشت."

هەروها وتی " تیمساحەکە بەهۆی لافاوەوە کەوتۆتە ناو قوڵاییی رووبارێکەوە."

زاناکان باوەڕیان وایە بەهۆی ئەوەی چواردەوری بە قوڕ و بەکتریانەوە داپۆشراوە، تائێستا پاشماوەی ئەو تیمساحە ماوەتەوە و هیچی لێنەهاتووە، هەروەها لەناو سکیدا هێلکەیەک کە بێچووە دایناسۆڕێکی تێدابووە، دۆزراوەتەوە و پارێزراوە.

ر.ئ