بەر لە مردن ئەو شتانە چین کە هەمووان لێی پەشیمان دەبنەوە؟

PM:10:33:17/01/2022

5984 جار خوێندراوەتەوە

پەرستاری ئوستراڵی برۆنی وێر چەند ساڵێکی لە کارکردندا بەسەربردووە بۆ هاوکاریکردنی بەساڵاچوەکان لە نەخۆشخانەکان، لەو کاتەی کە دەگەیشتن بە رۆژەکانی کۆتایی ژیانیان.

ماڵپەڕی " The Guardian"ی بەریتانی لە زاری ئەو پەرستارەوە ئاماژەی بەو شتانە کردووە کە هەموو ئەو کەسانەی لە کاتی مردندا بوون لە بیریاندا بووە و لێی پەشیمان بوونەتەوە، کە بە گشتی بریتی بوون لەمانە:

١. خۆزگە دەخوازن ژیانی راستەقینەی خۆیان بژیانایە نەك ئەوەی خەڵك چاوەڕێی دەکات لێیان.

٢. ئاواتەخوازن کە کەمتر کاریان بکردایە و کاتی زیاتریان لەگەڵ خێزانەکەیان و منداڵەکانیان بەسەر ببردایە.

٣. ئاواتەخوازن کە هێندە بوێربوونایە کە بیانتوانیایە هەستەکانیان دەرببڕن.

٤. هیواخوازبوون کە پەیوەندییان لەگەڵ هاوڕێکانیان بمایە و دوورنەکەوتنایەتەوە لێیان.

٥. ئاواتەخوازن کە رێگەیان بەخۆیان بدایە زیاتر دڵخۆش ببن، چونکە دڵخۆشی هەڵبژاردنە.