ژنێکی بەنگلادیشی بەهۆی هەڵەی پزیشکییەوە ماوەی ٢٠ ساڵە بەردەوام هەست بە ئازاری سک و گەدەی دەکات، لەدوای پشکنینی دەرکەوتووە مقەستی پزیشکی لە سکیدا بەجێهێڵراوە.

بەگوێرەی ماڵپەڕی عەرەبییە، باچینا خاتون تەمەنی ٥٥ ساڵە و لە ساڵی ٢٠٠٢ لە نەخۆشخانەیەکی شوادانگا لە بەنگلادش، نەشتەرگەریی دەرهێنانی بەردی زراوی کردووە.

لەدوای چەند ڕۆژێک لەنەشتەرگەرییەکە و گەڕانەوەی بۆ ماڵەوە هەستی بە ئازاری سکی کردووە، بۆ زانینی هۆکاری ئازارەکەی سەردانی نەخۆشخانەکەی کردووەتەوە، پزیشکەکەی پێی راگەیاندووە کە ئازارەکەی ئاساییە و دوای ماوەیەک نامێنێت.

لەو کاتەوە ئەو ژنە بەردەوام هەستی بە ئازاری توند کردووە لە سک و گەدەیدا، دوو ساڵ دوای نەشتەرگەرییەکە دوو مانگای فرۆشتووە بۆ ئەوەی سەردانی پزیشکی تر بکات و پارەی چارەسەر و دەرمانەکانی پێ دابین بکات.

باچینا ماوەی ٢٠ ساڵ بەو جۆرە ماوەتەوە و ئازارەکەی خراپتر و توندتر بووە، تا ئەو کاتەی پزیشکێک پێی راگەیاندووە پشکنینی تیشکی بکات، لەدوای ئەنجامدانی ئەو پشکنینە دەرکەوتووە مقەستێک لە نەشتەرگەرییەکەی پێشوو لە سکیدا بەجێماوە، هەر ئەوەش هۆکاری ئازارە بەردەوامەکەی ئەم چەند ساڵەی تەمەنی بووە.

بۆ دواجار و لە ١١ی کانوونی دووەمی ئەمساڵدا ئەو مقەستە پزیشکییە لە سکیدا دەرهێنراوە، لە ئێستادا باری تەندروستیی باشترە.

ئ.ل

😲 #EsViral | En 🇧🇩 #Bangladesh, médicos lograron extraer una tijera quirúrgica del abdomen de una mujer de 55 años. El instrumento tenía 20 años en el cuerpo de Bachena Khatun tras una negligencia en una cirugía previa.

📌 @EFEnoticias pic.twitter.com/pzXfib77ZU

— Servicio de Información Pública (@infopublicave) January 11, 2022

(1/2) Bachena Khatun, de 55 años se sorprendió al descubrir que desde el 2002 su abdomen era el hogar de unas tijeras quirúrgicas olvidadas en cirugía para retirar cálculo de la vesícula biliar. pic.twitter.com/C4QwkVaaDs

— Periódico D'Una (@periodicodeuna) January 12, 2022