پیاوێك بۆیدەرکەوتووە ٢٥ ساڵە مردووە

PM:04:23:05/12/2021

5796 جار خوێندراوەتەوە

لە رووداوێکی دەگمەندا کە دەنگۆیەکی زۆری بەدواداهاتووە، هاوڵاتییەك بۆیدەرکەوتووە کە ناوی لە لیستی مردووەکاندا هەیە و بەپێی بەڵگەنامەکان ٢٥ ساڵە مردووە.

هاوڵاتییەك بەناوی عەبدولموحسین ئەلعیدی چیرۆکەکەی بۆ رۆژنامەی "الرأي" باسکردوە و وتوویەتی، "بە مەبەستی بەجێهێنانی هەندێك کاری پێویستی حکومی چوومەتە فەرمانگەیەك و لەوێ داوای ناسنامەیان لێکردم، دوای ئەوەی پشکنینیان کرد تووشێ سەرسوڕمان بوون و لێیان پرسیم کە ئایا دڵنیام من عەبدولموحسینم".

کارمەندی فەرمانگەکە پێی وتووە، چۆن لەبەردەممدا وەستاوی لە کاتێکدا کە تۆ ٢٥ ساڵە لای ئێمە مردوویت؟ ئەمەش وایکردووە تووشی شۆك ببێت و بکەوێتە سەر زەوی، لە بەرامبەردا لە کارمەندەکەی پرسیوە کە چۆن دەبێت بە مردوو دانرابێت لە کاتێکدا زیندووە؟

دواتر داویانلێکردووە کە دەست بە رێکارەکان بکات بۆئەوەی لە مردووەوە بیگۆڕن بۆ زیندوو و بتوانێت کارەکانی بەجێبهێنێت.